1 Vafumeli 6:1 - Bhiblia Yo Sawuleka

¹ Ti mahekile tito, ngu dilembe da 480, msana ka kuva vanana va ka Israyeli va di humile ngu Egipta, ka dilembe da wumune Solomoni a txi fumela Israyeli, ka mtxima wa zive (awuwa mtxima wa wumbidi), Solomoni a to khata kuaka Nyumba ya Mkoma.

1 Vafumeli 6:1 Referans Kwoze

Mithumo 7:47

Se Solomoni ngene a nga akela nyumba Txizimu;”

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

1 Vafumeli 6:37

Ngu dilembe da wumune, ku to mahwa makhato a Nyumba ya Mkoma ka mtxima wa zive.

Vahebheru 11:10

Nguko, a ti rinzela kuwona didhoropa da kuakwa di di ni makhato o tsana, adiya mpimisi ni muaki wa dona i ku Txizimu.

Vahebheru 9:11

Aniko Kristu, i ku Mphaxeli Wahombe wa silo sa sinene si si tako, a humelete ka ditenda da hombe da kuhetiseka, adiya di nga mbi mahwa ngu manza a m'thu, adiya i ku si nga da mtumbuluko wa ditikoni muwa.

Vakolosa 2:7

zimani mikoloti kwakwe, mi txi akwa txitimwi kwakwe, mi txi tsaniswa amu ka likholo, nga ti mi nga gondisiswa tona, mi txi tala ngu kubonga.

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

1 Vakorinto 6:19

Ina txima kha mi tizivi ti to mimidi yanu mathepele ya Moya wo Sawuleka, wu zumbako mndani kwanu, awu mi nga wu amukela ka Txizimu, ni ti to kha mi ti lumbi anu mipune, kani?

Zakariya 6:15

Se avale va ku kule, va nata ve ta aka dithepeleni ka Mkoma, anu mi na tiziva ti to Mkoma wa Mabutho a Tiyimbi a ni rumile kwanu; kambe eto ti na maheka, ngako mi txi pfisisa dipswi da Mkoma, Txizimu txanu.

Valamuli 11:26

Ku na ni 300 wa malembe, na va ka Israyeli va di akile kona Hesibhoni ni sidhoropanani ka kona, Aroweri ni sidhoropanani ka kona, ni ka otshe madhoropa awa ma ku mabambe ka mnambo wa Arinoni. Ngu kutxani u nga mbi mtekela otshe matiko awa mndani ka ona malembe awa kani?

Mitengo 1:1

Mkoma a to womba kambe ka Mosi, txiwulani ka Sinayi, ditendani ka msengeletano, ka ditshiku do khata da mtxima wa wumbidi, ka dilembe da wumbidi da kuhuma kwawe ngu ditikoni ka Egipta, a txi khene:

Mithumo 13:19

Ngako txi di fuvisile mtxhanu wa mifumo ni yimbidi ditikoni ka Kanana, txi to va ninga ditiko dile, di maha thomba yawe,

1 Vafumeli 6:2

Se nyumba yi mfumeli Solomoni a nga akela Mkoma, i ti ya mtxhanu wa magumi ni dimwedo a mikono kulapha, ni magumi mambidi a mikono kuanama, ni magumi mararu a mikono ngu kuguleka.

1 Makronika 6:10

Jowanani a to veleka Azariya; awuwa ngene a nga maha mthumo wa wuphaxeli ka nyumba yile Solomoni a nga ti akile kona Jerusalema.

Ezra 5:11

Vona va hi xamute va txi kha vona: Athu hi sithumi sa Txizimu txa nzuma ni mafu, ho aketa nyumba yi yi nga akwa kale ka malembe; nguko mfumeli wokari wa hombe wa ka Israyeli a yi akile e heta.

Masalmo 78:69

A akile nyumba yakwe ya kukhozela, yo guleka nga nzuma a txi yi tsanisa kala kupinduka kufana ni mafu.

Hagayi 1:8

Kwelani mmangoni mi txi ya teka mapulango, mi ta aka nyumba; se ni na tsaka ngu yona, kambe ni na dhumiswa, kuwomba Mkoma.

Eksodha 12:41

Ka ditshiku di ku nga ti guma 430 wa malembe, mabutho a tiyimbi ta Mkoma ma manekile ma txi huma ditikoni ka Egipta.

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

2 Makronika 3:3

Mipimo yi Solomoni a nga yi thumisa kuaka Nyumba ya Txizimu ngu yiya: Kulapha ka yona madingano ni mpimo wo khata ku nava ka mtxhanu wa magumi ni dimwedo a mikono, kuanama ka magumi mambidi a mikono.

Ezekhiyele 41:1

Sekoko a to ni yisa dithepeleni, eya pima tisika: Mtxhanu wa mikono ni wumwewo kuanama ka didhawa dimwedo, ni mtxhanu wa mikono ni wumwewo kuanama ka dimwani, i nga ti ti kuanama ka nyumba.