1 Vafumeli 5:6 - Bhiblia Yo Sawuleka

⁶ Ruma koko, konakuwa, a ti to ngu Libhanoni va txi wila mikedhari, se sithumi sangu si na va kumweko ni sako, se ani ni na dihela sithumi sako, madingano ni ti u no wombisa tona; nguko awe wa tiziva kha kwati ti to ani ni nawe awalo a sikotako kuwila mapulango nga Vasidhoni.

1 Vafumeli 5:6 Referans Kwoze

2 Makronika 2:8

Ni rumele kambe mapulango a mikedhari, mafaya, ni algumini a Libhanoni; nguko na tiziva ta ku sithumi sako sa tiziva kuwila mapulango ani Libhanoni; se sithumi sangu si na va ni sithumi sako,

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

Vaefesu 4:7

Kambe mmweyo ni mmweyo kwathu a ningilwe kateko ngu mpimo wa txiningo txa Kristu,

Varoma 12:17

Mi nga tshumeteleni kubiha ngu kubiha, kambe zamani kumaha ti i ku ta tinene masoni ka votshe vathu.

Masalmo 29:5

Dipswi da Mkoma da wisa mindonga ya mikedhari; Mkoma wa wisa mikedhari ya Libhanoni!

Ezra 3:7

Va to ningela male koko ka vale vo aka ngu marigwi, vo wilela, va yimwani mithumo, ve va ninga sakudya, so sela, ni mtona ka Vasidhoni ni ka Vatiro, kasiku va na ya wuya ngu Jope ni mapulango, ngu mnamboni ka Kedhari, ngako va nga ti ningilwe ngu Siro, mfumeli wa Persiya.

2 Makronika 2:10

Se sithumi sako si si ku na wila mapulango, na si ninga 20.000 wa mimovha yo tala ngu fulaho yo hulwa, ni 20.000 wa mimovha yo tala ngu sevhadha, ni 20.000 wa mapipa a vhinyo, ni 20.000 wa mapipa o tala ngu mtona.

1 Vafumeli 6:20

Se nyumba ya siprofeto ngu mndani i ti ti ya magumi mambidi a mikono kulapha, magumi mambidi a mikono kuanama, ni magumi mambidi a mikono kudemba; a to yi tshurisela ngu nzalama yo ya yinene, se e tshulela txiluvelo ngu mkedhari.

1 Vafumeli 6:16

A to aka kambe magumi mambidi a mikono a mapulango a mikedhari madhawani ka nyumba, kukhukhela hahatshi kala mu ka maseta, se ngu nyumbani a to aka wukhalo wa siprofeto, ka Wukhalo wo Sawuleka.

Genesisi 10:15

Se Kanana a velekile Sidhoni, matiwula akwe, ngu msana e veleka Heti,

1 Vafumeli 5:7

Ngako Hiramu a di pfite mapswi a Solomoni, a to tsaka ngutu, a txi khene: A na dhumiswe nyamsi Mkoma, a nga ninga ka Dhavhidha mwanana wo ziva txitimwi ka vathu vava vo talisa tiya.

1 Vafumeli 9:27

Hiramu a to rumela amu ka sitataru sile sithumi sakwe, vatsimbitisi va tingalava va nga tiziva kha kwati linene, ni sithumi sa Solomoni.

1 Makronika 22:4

ni mapulango a mikedhari a kwa mbi balwa, nguko Vasidhoni ni Vatiri, va ti ti tisa ka Dhavhidha, mapulango amangi a mikhedhari.

Zakariya 11:12

Se ni txi khani ka tona: Ngako mi txi ti wona ti txi mi tsakisa, ni ningeni si si ni lumbako, i si nga tona, lekani. Se va to ni pimela hakhelo yangu, ya magumi mararu a male ya silivhela.

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

1 Vafumeli 9:19

ni otshe madhoropa ma nga ti xomisilwe, ale a nga ti nawo Solomoni, ni madhoropa a mahantxhi, ni madhoropa a vagadhi va mahantxhi, ni sotshe sile Solomoni a nga xuva ku si aka Jerusalema, ni Libhanoni, ni ka dotshe ditiko di a nga ti di fumela.

1 Vafumeli 10:26

Kambe Solomoni a to sengeleta sikotxikani sasingi ni vagadhi va mahantxhi; a ti ni 1.400 wa sikotxikani, ni 12.000 wa vagadhi va mahantxhi; e si yisa ka madhoropa a sikotxikani, se simwani si zumba kumweko ni mfumeli Jerusalema.

2 Makronika 1:14

Se Solomoni a to sengeleta sikotxikani ni vagadhi va mahantxhi; e mana 1.400 wa sikotxikani, ni 12.000 wa vagadhi va mahantxhi; sikotxikani a to siyisa ka madhoropa a sikotxikani, se simwani si to sala hafuhi ni mfumeli, kona Jerusalema.