1 Vafumeli 5:3 - Bhiblia Yo Sawuleka

³ Kha ditshuri wa tiziva ti taku tate wangu Dhavhidha kha sikota kuakela nyumba ditina da Mkoma, Txizimu txakwe, ngu mhaka ya kurandelwa ngu tiyimbi, kuza kuhoka aha Mkoma a nga va veka hahatshi ka mikondo yakwe.

1 Vafumeli 5:3 Referans Kwoze

1 Makronika 28:3

Kambe Txizimu txi to kha txona kwangu: Khu na mbi akela nyumba ditina dangu, nguko u m'thu wa yimbi, ni ku u theketile mnoha wawungi.

1 Makronika 22:8

Kambe dipswi da Mkoma di tile kwangu di txi ta kha dona: Awe u theketile mnoha wo tala ngutu, ni ku u lwite tiyimbi ta hombe; khu na mbi akela nyumba ditina dangu; nguko u theketile mnoha wo tala ha mafuni, masoni kwangu.

1 Vakorinto 15:25

Nguko ta laveka ti to Kristu e fuma, kala kuza e veka votshe valala hahatshi ka mikondo yakwe.

Malakiya 4:3

Se mi na kandetela vabihi, nguko va na maha dikhuma hahatshi ka mikondo yanu, ka ditshiku dile ni no maha eto, kuwomba Mkoma wa Mabutho a Tiyimbi.

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Masalmo 8:6

U mningile kufuma sotshe si u nga si maha, sotshe u si vekile hahatshi ka mikondo yakwe:

Joxuwa 10:24

Ngako va di va humisile vafumeli vale, Joxuwa a to dhana votshe vavamna va ka Israyeli, aha a nga womba ka vathangeli va vathu va yimbi, avale a nga ti navo a txi khene: “Tshuketani mi txi ta veka mikondo yanu ha tithamoni ka vafumeli vava.” Se va to tshuketa ve veka mikondo yawe ha tithamoni ka vafumeli vale.

Vaefesu 1:22

Hahatshi ka mikondo ya Kristu, Txizimu txi vekile sotshe simaha, kambe txi mmahile Msungo wa dotshe Dibanza,

1 Vafumeli 8:19

Hambi keto khu na mbi yi aka nyumba yiya, sekoko mwanana wako, awu a no velekwa ngu ngawe, a na akela ditina dangu yiya nyumba.

1 Makronika 28:2

Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.

Dhewuteronome 14:5

xangu, ni mhoti, ni mangulwe, ni mbalapala, ni xengani, ni mbavala, ni txipene.

2 Makronika 9:4

ni sakudya sa ha mezani kwakwe, ni mazumbelo a tikhumbi takwe, ni mathumelo a vathu vakwe, ni syambalo sawe, ni vatheleli va magombe akwe, ni syambalo sawe, ni mu a nga txi kwela ngu kona a txiya Nyumbani ka Mkoma, a to pwata ni txo womba.

Nehemiya 5:17

Aniko ha mezani kwangu ku ti khalahatsha 150 wa vavamna, va Vajudha ni valamuli, hahanze ka vale va nga ti ta ngu ka matiko ale ma ku hafuhi ni nathu.

Nehemiya 5:18

Se sakudya sa ditshiku dimwani ni dimwani i ti homu yimweyo, ni mtxhanu wa tinvuta ni yimweyo to langelwa; ve lulamisa tikhukhu ni vhinya yayingi ya mixowo yo tala kumweko amu ka digumi da masiku; hambi keto kha na lava sakudya sa mfumeli, nguko mithumo ya vathu vava, i ti ya hombe.