1 Vafumeli 5:1 - Bhiblia Yo Sawuleka

¹ Hiramu, mfumeli wa Tiro, a to rumela sithumi sakwe ka Solomoni (nguko a nga pfa taku Solomoni a totilwe wukoma wukhaloni ka tate wakwe), nguko Hiramu a ti dhunda Dhavhidha.

1 Vafumeli 5:1 Referans Kwoze

1 Makronika 14:1

Sekoko Hiramu mfumeli wa Tiro, a to rumela mitumi ka Dhavhidha, ni mapulango a mikedhari, ni vaaki va tinyumba, ni vavati, kasi ku ta muakela nyumba.

2 Makronika 2:3

Solomoni a to rumela dipswi ka Hiramu, mfumeli wa Tiro, a txi khene: Ngako u nga rumela tate wangu mikedhari yo aka ngu yona nyumba yo e zumba ka yona, ni mahele toneto nani.

2 Samuwele 5:11

Se Hiramu mfumeli wa Tiro, a to rumela mitumi ka Dhavhidha, ni mapulango a mikedhari, ni vavati, ni vaaki va tinyumba, va nga ta akela nyumba Dhavhidha.

1 Vafumeli 5:10

Ngu toneto, Hiramu a to ninga mapulango a mikedhari ni a mikipresi ka Solomoni, madingano ni kuranda kwakwe.

Amosi 1:9

Mkoma a womba tiya: Ngu kuhambunyeta kurarau ka Tiro ni ka wumune, na mbi thavisa txitsayiso, nguko va ningete totshe tikhumbi ka Edhomi, kambe kha alakanya txitumelelano txa vanawe.

Masalmo 45:12

Se mwanana wa muhorana wa Tiro, a na va koneyo ni ni siningo; vanyatithombe va ku hagari ka vathu, va na kombela wunene wako.

1 Vafumeli 5:13

Se mfumeli Solomoni a to dhana sithumi hagari ka Israyeli, ngu mtengo wa 30.000 wa vavamna.

2 Samuwele 8:10

Toyi a to rumela mwanakwe Joramu ka mfumeli Dhavhidha, kuya dhungula ni kuya bonga, ngu mhaka ya kule a nga lwa ni Hadhadhezeri ni kuva a di mdate (nguko Hadhahdezeri a ti zumba a txi lwa ni Toyi); Joramu a tsute a di ñote siya sa silivhela ni sa nzalama ni sa msuku,

Isaya 23:1

Mahungu a Tiro. Pekani huwa, anu mi ku sitimelani ka Tarxixi, nguko a xasetwe, aha koza ku si sali ni nyumba kwakwe, se kha ku nga ni ko a nga wulela ni wammweyo; kukhukhela ditikoni ka Kitimi, va zivisilwe tiya.

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Eksodha 34:24

Nguko ani ni na tutumisa mifumo masoni kwako, kambe ni na engetela ditiko dako; ni wammweyo kha na mbi navela dithepele dako nga ti u txi kwela u txi ya ti wonekisa masoni ka Mkoma, Txizimu txako, kuraru ngu dilembe.

Mitengo 24:7

Mati ma na khulunga ngu mabhaketi akwe, mbewu yakwe yi na nakaniswa ngu mati amangi. Mfumeli wakwe a na va wa hombe kupinda Agage. Mfumo wakwe wu na va ni mtamo.

Dhewuteronome 20:11

Se ngako va txi kuangula ngu kuthutha va txi kutulela matimba, vathu votshe vale va manekako, ka didhoropa donedo, va na va tikhumbi tako, va txi kuthumela txibhalo.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

1 Vafumeli 10:25

Se mmweyo ni mmweyo a txi ta mninga siya sa silivhela ni siya sa nzalama, ni syambalo, ni matxhari, ni sithimbelo so bhumula ni mahantxhi ni mamula; tximwetxo ni tximwetxo ngu dilembe ni dilembe.

2 Makronika 9:26

A ti ti fuma votshe vafumeli, kukhukhela mnamboni kala ditikoni da Vafilista, kala magwito ka Egipta.

2 Makronika 17:11

Vamwani Vafilista va ti ti luva Josafati ngu male ya resa; Hambi Marhabi ma to mluva ngu sifuyo sa sidotho i ku siya: 7.700 wa tihamba ni 7.700 wa vamabhongwe.

Ezra 4:20

Hambu keto ku ti ti ni vafumeli va mtamo ngutu txitimwi ka Jerusalema, va nga khozisa otshe makhalo na va ti mtxhatuko ka mnambo, va txi ningwa timale, tiresa ni timbasani.

Masalmo 72:8

Ene a na fume kukhukhela ka limbe linene kala ka limwani, kukhukhela ka mnambo wa Ewufrate kala magemeta-mitshi ka mafu.

Masalmo 80:12

Ngu kutxani u txi khundumusa libhiyo la thembwe yako, u leka avale va pindako ngu nzila va txi hapha mauvha a wona kani?

Ezekhiyele 19:11

Wu ti ti ni tindonga to banga, tindonga to dingana vakhozisi, se wu to guleka hagari ka madhavi o txhuma, ku txi wonwa kuguleka ka wona ni madhavi a kona amangi.

Luka 7:5

nguko wa dhunda va ka kwathu, kambe ngene a nga hi akela disinagoga.”