1 Vafumeli 4:34 - Bhiblia Yo Sawuleka

³⁴ Votshe vathu va tile ku ta pfa wutxhari wa Solomoni, kumweko ni mitumi ya votshe vafumeli va mafu, vale va nga ti pfite madingano ngu wutxhari wakwe.

1 Vafumeli 4:34 Referans Kwoze

2 Makronika 9:23

Votshe vafumeli va ha mafuni va txi lava kuwona khohe ya Solomoni, kasi vepfa wuzivi wule Txizimu txi nga ti vekile mbilinu kwakwe.

1 Vafumeli 10:1

Se mbimo yile mfumeli wa txisikati wa Sabha a nga pfa nduma ya Solomoni, madingano ni ditina da Mkoma, a tile e ta m'hika ngu siwotiso so karata.

Zakariya 8:23

A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.

Isaya 2:2

Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.

2 Makronika 9:1

Mbimo yile mfumeli wa txisikati wa Sabha a nga pfa nduma ya Solomoni, a tile Jerusalema e ta m'hika ngu siwotiso so karata. A to ta ni dibutho da hombe, ni makameli ma di rwate sidyanadyana, ni nzalama yayingi ngutu, ni marigwi a lisima; se e ta geletela Solomoni totshe ti a ngadi nato mbiluni kwakwe.

1 Vafumeli 4:33

A womba-wombile ngu tixaka totshe ta mindonga, kukhata ngu mkedhari wa Libhanoni, kala ka hisope wu milako digumani, kambe a wombawombile ngu sihari ni sinyana, ngu so tsimbila ngu dibindi ni sihaka.