1 Vafumeli 4:30 - Bhiblia Yo Sawuleka

³⁰ Wutxhari wa Solomoni i ti wa hombe kupinda wutxhari wa votshe vathu va Wutxani, ni kupinda wotshe wutxhari Vaegipta.

1 Vafumeli 4:30 Referans Kwoze

Mithumo 7:22

Mosi a gondisilwe wotshe wuzivi wa Vaegipta. Se i ti m'thu wa mtamo amu ka mapswi ni mu ka mithumo.”

Genesisi 25:6

A ningile simaha sokari ka vanana va sikaba sakwe, a txi ngadi e hanya, a to va hambanisa ni mwanana wakwe Isaake, a txi va rumela ka ditiko da wutxani.

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

Matewu 2:16

Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Jobe 1:3

A ti ti fuyile 7.000 wa tinvuta, ni 3.000 wa makamelu, 500 wa mipatwa ya tihomu, ni 500 wa timbongola; kambe a ti ti thumelwa ngu vathu vavangi ngutu; aha kaku, wamwamna wuwa, i ti ti wa hombe kupinda votshe va Wutxani.

Dhaniyeli 4:7

Sekoko ku to wulela titxhari, ni tiñanga, ni Vakaldheya, ni vahuti, se ani to xawutela mloro masoni kwakwe; aniko kha va sikota ku nininga txhamuselo ya kona.

Genesisi 29:1

Sekoko Jakobe a to teka nzila ya kuya ka vathu va Wutxani.

Valamuli 6:33

Se votshe Vamidhiyani, Vaamaleki, ni vanana va wutxani, va to sengeletana ka wukhalo wumwewo, ve txhatuka Jordhani, va txi ta gova libalani ka Jezrayeli.

1 Vafumeli 10:23

Sekoko mfumeli Solomoni a to pinda votshe vafumeli va ha mafuni ngu tithomba ni wutxhari.

Ekleziyaste 1:16

Ani ni to womba mbiluni kwangu ni txi khani: Wona taku ni ti kulisile, kambe ni ti manete wutxhari, ka votshe vale va nga maneka Jerusalema, ni sanzi ku va ho ani; ngu ditshuri, mbilu yangu yi ningilwe wutxhari ni mapimo ngu mtalo.

Ezekhiyele 25:4

wona taku ni na kuningela uva thomba ya va Wutxani, va na tsanisa mazambo awe kwako, ve aka tinyumba tawe kwako; va na dya mihando yako, ve sela masi ako.