1 Vafumeli 4:26 - Bhiblia Yo Sawuleka

²⁶ Kambe Solomoni a ti ti ni 40.000 wa mahantxhi o ndinda sikotxikani sa tiyimbi, ni 12.000 wa vagadhi.

1 Vafumeli 4:26 Referans Kwoze

2 Makronika 1:14

Se Solomoni a to sengeleta sikotxikani ni vagadhi va mahantxhi; e mana 1.400 wa sikotxikani, ni 12.000 wa vagadhi va mahantxhi; sikotxikani a to siyisa ka madhoropa a sikotxikani, se simwani si to sala hafuhi ni mfumeli, kona Jerusalema.

2 Makronika 9:25

Kambe Solomoni a di ni 4.000 wa mahantxhi o ndinda sikotxikani sa tiyimbi, ni 12.000 wa vagadhi va mahantxhi, e si yisa ka madhoropa a sikotxikani, se simwani si zumba kumweko ni mfumeli Jerusalema.

2 Samuwele 8:4

Se Dhavhidha a to teka 1.600 wa vagadhi va mahantxhi ni 20.000 wa vavamna va tsimbilako ngu mikondo; Dhavhidha a to wila misiha ya otshe mahantxhi a sikotxikani, e siya o dingana 100 wa sikotxikani.

Masalmo 20:7

Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

1 Vafumeli 4:27

Vathangeli va sigava ni sigava, va ti heleketa sakudya si a nga ti si lava mfumeli Solomoni mtxima ni mtxima, ku ti si pwateki ni txilo tximwetxo.

1 Vafumeli 9:19

ni otshe madhoropa ma nga ti xomisilwe, ale a nga ti nawo Solomoni, ni madhoropa a mahantxhi, ni madhoropa a vagadhi va mahantxhi, ni sotshe sile Solomoni a nga xuva ku si aka Jerusalema, ni Libhanoni, ni ka dotshe ditiko di a nga ti di fumela.