1 Vafumeli 4:25 - Bhiblia Yo Sawuleka

²⁵ Se Judha ni Israyeli va ti zumba va di tsani, mmweyo ni mmweyo hahatshi ka mvhina wakwe ni mkuwu wakwe, kukhukhela Dhani kala Bhersebha, ka otshe masiku a Solomoni.

1 Vafumeli 4:25 Referans Kwoze

Mika 4:4

Se dimwani ni dimwani di na khalahatsha hahatshi ka m'vhinya wa dona, ni hahatshi ka mkuwu wa dona, se kha ku na mbi va ni wo va dhukisa, nguko txisofu txa Mkoma wa Mabutho a Tiyimbi, txi wombile.

Zakariya 3:10

Ka ditshiku donedo, kuwomba Mkoma wa Mabutho a Tiyimbi, mmwani ni mmwani kwanu, a na ramba muakelani wakwe, kuya zumba nayo hahatshi ka mivhinya, ni hahatshi ka mikuwu.

2 Vafumeli 18:31

Mi nga mu engiseni Ezekhiya; nguko mfumeli wa Asiriya a khene: Humani didhoropanimo mi txi ta ti ningela kwangu; kasi m'thu ni m'thu a na dya sa muuvha wakwe ni mkuwu wakwe, kambe mmweyo ni mmweyo a na sela mati a txisimani kwakwe.

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.

Ezekhiyele 38:11

Se u na khawe: Ni na wukela matiko ka miti yile yo mbi bhiyelwa, ni nata wukela vale va ku mu ko humula, vale va zumbako va di tsani; votshe va zumba va sa ti bhiyela, kambe kha va na matimba a hombe a tisimbi, hambi matimba;

Isaya 60:18

Kha ku na mbiswa kambe kupfala kulwisana ditikoni kwako, hambi kuxaselwa ni kukhundumuselwa mihinganoni kwako; aniko u na dhana “Kuhanyisa” ngu magumani kwako, ni matimbani kwako u na khawe “Kudhumisa.”

2 Samuwele 24:15

Sekoko Mkoma a to rumela mtungu ditikoni ka Israyeli, kukhukhela ni mixo kala mbimo yi a nga yi lava; ni ku kukhukhela Dhani kala Bherisebha, ku to fa 70.000 wa vathu.

2 Samuwele 17:11

Aniko ani ni womba tito, votshe va ka Israyeli va na ti pate kwako, ngu kukuluveta, kukhukhela Dhani kala Bhersebha, va di tate kufana ni mtxhefa wa lineneni, ni ti to awe upune tsula kulwani.

1 Samuwele 3:20

Se dotshe ditiko da Israyeli, kukhukhela Dhani kala Bherisebha, va to ziva ti to Samuwele a vekilwe kumaha mprofeti wa Mkoma.

1 Makronika 22:9

Wona taku, mwanana wule a no velekwa, a na va wamwamna wo thutha; nguko ni na mninga kudikha ka votshe valala vakwe ka madhawa otshe; ngu kumaha keto, ditina dakwe i nava Solomoni, se kudikha ni kuhumula ni na ninga Israyeli ka otshe masiku akwe.

Isaya 36:16

Mi nga mu engiseni Ezekhiya, nguko mfumeli wa Asiriya a khene: Humani mi ta ti ningela kwangu; se mmweyo ni mmweyo a nadye mihando ya muuvha wakwe, ni mihando ya mkuwu wakwe, kambe mmwani ni mmwani a na sele mati a txisimani kwakwe,

Ezekhiyele 39:26

Se va na rwala tingana tawe, ni wotshe wueyisi wawe, awule va nga ni eyisa ngu wona, ngako va txi zumba va di tsani ditikoni kwawe, ku si maneki wa ku va dhukisa;