1 Vafumeli 3:9 - Bhiblia Yo Sawuleka

⁹ Ninga mbilu yo ziva ka txithumi txako, kasi kulamula vathu vako, ni kuziva ngu ditshuri kuhambanisa hagari ka ta tinene ni to biha; nguko i mani a ndi no lamula vathu vako vo talisa tiya kani?

1 Vafumeli 3:9 Referans Kwoze

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

Mavingu 16:16

I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.

Vahebheru 5:14

Kambe sakudya si so banga, nza vahombe, i ku va vo tolovela, ava va zivako kuhambanisa totshura ni to biha.

Johani 5:30

“Ani ngu kwangu kha ni sikoti kumaha txilo, ani ni lamula madingano ni ti ni ti engisako; se kulamula kwangu ku lulamile, nguko kha ni lavi kumaha kuranda kwangu, aniko ni lava kumaha kuranda ka wu a nga ni ruma.”

2 Samuwele 14:17

Txi ti ti kha txona kambe txithumi txako txa txisikati: Konkuwa dipswi da mfumeli, nyamne wangu, di na ni ninge kudikha; nguko nene mfumeli, nyamne wangu, a fana ni Ngelozi ya Txizimu, kuengisa ta ti nene ni to biha; aniko Mkoma, Txizimu txako, txi nave ni nawe.

1 Makronika 22:12

Mkoma a na ku ninge wutxhari ni wuzivi dwe, a na ku gondise madingano ni Israyeli; kasi kuxayisa Mlayo wa Mkoma, Txizimu txako.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Vaefesu 5:17

Ngu toneto, mi nga ti maheni mabhemba, aniko lavani kuziva kuranda ka Txizimu.

Masalmo 119:144

Sileleto sako nzo lulama yotshe mbimo; ni he mapimo ni na hanya.

Masalmo 119:34

Ni ninge mapimo, kasiku ni xayisa mlayo wako; ni na wu vekisa ngu yotshe mbilu yangu.

2 Vakorinto 3:5

Hi nga ti to athu hipune, hi nga sikota kumana mialakanyo ya txilo, nga ya kukhukhela mtamoni kwathu. Ahim-him. Mtamo wathu wuta ngu ka Txizimu.

Matewu 3:14

Aniko Johani a to lamba a txi khene: “Ani ngani ni fanelako kubhabhatiswa ngu ngawe, se awe u ta kwangu kani?”

Ekleziyaste 7:11

Wutxhari mbunene kufana ni thomba, ka wona va mana txokari avale va wonako ditambo.

Mavingu 20:12

Nzeve yi yi engisako, ni diso di di wonako, ngu wumbidi wa sona si mahilwe ngu Mkoma.

2 Makronika 1:10

Ni ninge koko, wuzivi ni wutxhari, kasiku ni sikota kuthangela masoni ka vathu vava; nguko i mani a ndi no lamula vathu vako vo talisa tiya kani?

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

Vafilipiya 1:10

kasiku mi sikota kusawula ati i ku ta tinene ngutu, mi va mi di ni ditshuri ni wululami ka ditshiku da Kristu,

2 Vakorinto 2:16

Ka vale va lovako, ngu bhumula ko biha ku ku dayako; aniko, ka vale va hanyiswako, ngu bhumula ka kunene ku ningako wutomi. Se, i mani a fanelwako ngu mthumo wo ngeto kani?

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Ekleziyaste 7:19

Wutxhari wa tsanisa txhari, kupinda digumi da vathangeli va manekako didhoropani kumweko.

Jeremiya 1:6

Sekoko ani ni ti khani: “Oho! Mkoma Txizimu! Wona taku kha ni sikoti kuwombawomba; nguko ni mwanana!”

Mavingu 14:8

Wutxhari wa m'thu wamnene ngu kuziva nzila yakwe, aniko wuphukuphuku wa siphukuphuku wa kanganyisa.

Masalmo 119:73

Ani u ni vangile, u txi ni wumba ngu manza ako; ni ninge mapimo, kasiku ni gonda sirumo sako!

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

1 Vafumeli 3:10

Dipswi diya di to pfala kwati ka Mkoma, da tiya Solomoni a nga kombela.

1 Vafumeli 10:24

Se vathu va dotshe ditiko va txi lava kuwona khohe ya Solomoni, kasi vepfa wutxhari wule Txizimu txi nga ti vekile mbiluni kwakwe.

Jeremiya 45:5

U ti lavela wuhombe kani? U nga wu lave, nguko ni na tisa dikhombo ka yotshe nyama, kuwomba Mkoma; ni na ningela wutomi wako wu txi xakelwa, ka otshe makhalo u no ya ka ona.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.