1 Vafumeli 3:5 - Bhiblia Yo Sawuleka

⁵ Kona Gibheyoni, Mkoma a to woneka ka Solomoni ngu miloro ni wusiku, se Txizimu txi nje kha txona: “Kombela txi u txi lavako ku ni txi kuninga.”

1 Vafumeli 3:5 Referans Kwoze

1 Vafumeli 9:2

Mkoma a to ti wonekisa kambe ka Solomoni, kufana ni kule a nga ti ti wonekisile kona Gibheyoni.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Marku 10:36

Jesu a to wotisa a txi khene: “Kasi mi lava ni txi mi mahela txani?”

Matewu 2:13

Msana ka kuva ti di khukhile titxhari, Ngelozi ya Mkoma yi to woneka ngu miloro ka Josefa, yi txi mu gela tiya: “Khukha, teka mwanana ni mame wakwe, thava u txi ya Egipta. Inda ya zumba konakheyo kala nita kuzivisa, nguko Herodha a na lava mwanana wu kasiku e m'daya.”

1 Vafumeli 11:9

Ngu mhaka yeto, Mkoma a to henyela Solomoni, nguko a nga ti jikisile mbilu ka Mkoma, Txizimu txa Israyeli, awu a nga ti wonekisa kumbidi kwakwe.

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Matewu 2:19

Mbimo yi Herodha a nga fa, Ngelozi ya Mkoma yi to woneka ngu miloro ka Josefa, kona ditikoni ka Egipta, yi txi mu gela tiya:

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Marku 11:24

Ngu konaho ni khani kwanu: Sotshe si mi si kombelako ngu kukhongela, tumelani ti to mi si amukete, si na va sanu.

Johani 15:7

Ngako mi txi zumba kwangu, ni mapswi angu ma txi zumba kwanu, mi nga sikota kukombela txihi ni txihi mi txi lavako, mi na mahelwa tona.