1 Vafumeli 3:3 - Bhiblia Yo Sawuleka

³ Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

1 Vafumeli 3:3 Referans Kwoze

1 Vakorinto 8:3

Aniko, ngako m'thu a txi randa Txizimu, eyo wa ziwa ngu txona.

Masalmo 31:23

Randani Mkoma, anu motshenu mi ku sirandwa sakwe! Mkoma a vhikela avale va mthembako, aniko wa tsayisa ngutu avale va mu eyisako.

Dhewuteronome 30:16

ngako u txi vekisa sirumo sa Mkoma, Txizimu txako, asi nyamsi ni ku leletako, u txi randa Mkoma, Txizimu txako, u tsimbila ngu tinzila takwe, ni kuxayisa sirumo sakwe, ni milayo yakwe, ni sileleto sakwe, u na hanya, kambe u na anda. Mkoma, Txizimu txako, a na ku katekisa, ka ditiko di u wulelako ka dona, kasi kuya di teka.

Dhewuteronome 6:5

Ngu toneto, u na randa Mkoma, Txizimu txako, ngu yotshe mbilu yako, ngu wotshe moya wako, ni wotshe mtamo wako.

1 Vafumeli 3:14

Se, ngako u txi tsimbila ngu tinzila tangu, u txi vekisa milayo yangu ni sirumo sangu, nga ti a nga tsimbilisa tona Dhavhidha, tate wako, kambe ni na laphisa masiku ako.

1 Vafumeli 3:6

Se Solomoni a to khene: Awe u thumisile txithumi txako Dhavhidha, tate wangu, ngu kukateka ka hombe, ngako ene a nga tsimbila ni nawe ngu ditshuri, ni nongameto, ni kululama ka mbilu, masoni kwako; se u m'vekete txikatekiso txa hombe, u mningile mwanana wu a no khalahatsha ha txikhaloni kwako ka wukoma, nga ti ti wonekako ka masiku awa.

Dhewuteronome 30:20

ngako u txi randa Mkoma, Txizimu txako, u engisa dipswi dakwe, u namarela kwakwe; nguko ene ngene i ku wutomi wako ni kuanda ka masiku ako, kasi ku u na sikota kuzumba ka ditiko di Mkoma a nga xambanya ka vatate vako, Abrahamu, Isaake, ni Jakobe, ti to a na va ninga.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Dhewuteronome 10:12

“Konkuwa koko, awe Israyeli, Mkoma, Txizimu txako, a kombela txani kwako, i si nga ti to u thava Mkoma, Txizimu txako, ni ti to u londeta totshe tinzila takwe, u mranda, ni ku mthumela Mkoma, Txizimu txako, ngu yotshe mbilu yako ni wotshe moya wako,

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Johani 14:21

Awule a nga amukela milayo yangu a txi yi veketa, eyo ngene a ni randako; se awule a ni randako, a na randwa ngu Tate wangu. Se nani ni na mu randa, kambe ni na ti wonekisa kwakwe.”

Johani 14:15

“Ngako mi txi ni randa, mi na veketa milayo yangu.

Matewu 22:37

Jesu a nje khene kwakwe: “ ‘Randa Mkoma Txizimu txako, ngu yotshe mbilu yako, ngu wotshe moya wako ni otshe mapimo ako.’

2 Vafumeli 18:22

Ngako mi txi khanu: Hi themba Mkoma, Txizimu txathu, ina hi nga ene wule ku nga dhundumuselwa siluvelo ni makhalo akwe o sawuleka ngu Ezekhiya, a txi khene ka Judha ni ka Jerusalema: Ina mi na nama ka txiluvelo txiya kona Jerusalema kani?

2 Vafumeli 18:4

A to khundumusela siluvelo sa wukhongeli wa txihedheni, a to fayetela sithombe, e wisetela tiphande, e wilela mnyoka wa txikete wu nga ti mahilwe ngu Mosi, nguko kala ka ditshiku dileya vanana va ka Israyeli va txi ngadi ve wuhisela dibaselo ni ku wu dhana ku kha vona i Newustani.

2 Vafumeli 15:35

Nziluvelo dwe si nga mbi khundumuswa, nguko vathu va txi ngadi ve phaxela kona ni kuhisa dibaselo. Jothamu ngene a nga aka Ditimba do Guleka da Nyumba ya Mkoma.

2 Vafumeli 15:4

Nziluvelo dwe si nga mbi khundumuswa, nguko vathu va txi ngadi ve phaxela kona ni kuhisa dibaselo.

2 Vafumeli 14:4

Aniko siluvelo kha sa khundumuswa, nguko vathu va txi ngadi ve phaxela kona, ni kuhisa dibaselo.

2 Vafumeli 12:3

Nziluvelo dwe si nga mbi khundumuswa, nguko vathu va txi ngadi ve phaxela kona, ni kuhisa dibaselo.

1 Vafumeli 22:43

Se a to tsimbila ngu totshe tinzila ta tate wakwe Asa, kha hambuka ka tona, a to maha ta tinene, masoni ka Mkoma.

1 Vafumeli 15:14

Hambiko, makhalo o guleka ma nga mbi thaviswa: Aniko mbilu ya Asa i ti ya yinene ka Mkoma masiku otshe.

1 Vafumeli 15:3

Se a to tsimbila ngu sionho sile, tate wakwe a nga ti si mahile kukhatani; kambe mbilu yakwe yi sa basa masoni ka Mkoma, Txizimu txakwe, ku nga mbilu ya tate wakwe Dhavhidha.

1 Vafumeli 11:38

Se ku na maheka ti to u txi engisa totshe ti ni no kuruma, u tsimbila ngu totshe tinzila tangu, u maha ta tinene masoni kwangu, u txi veketa sileleto sangu ni milayo yangu, ku nga ti txithumi txangu Dhavhidha a nga mahisa tona, ani ni na va ni nawe, ni na kuakela nyumba yo tsana, ku nga kule ni akela Dhavhidha, ni na kuninga Israyeli.

1 Vafumeli 11:34

Hambiketo na mbi teka txilo ka mfumwewo manzani kwakwe; aniko na m'veka kuva mthangeli ka otshe masiku a kuhanya kwakwe, ngu kuranda txithumi txangu Dhavhidha, awu ni nga msawula, awu a nga vekisa sirumo sangu ni sileleto sangu.

1 Vafumeli 11:6

Ngu toneto, Solomoni a to maha kubiha kuwonani ka Mkoma, se kha ti vekisela kulondeta Mkoma, nga tate wakwe Dhavhidha.

1 Vafumeli 11:4

Nguko ku mahekile ti to a di kumbile Solomoni, vasikati vakwe va m'dyite mbilu kasiku e londisa simwani sizimu; se mbilu yakwe yi sa hetiseka ka Mkoma, Txizimu txakwe, ku nga tate wakwe Dhavhidha,

1 Vafumeli 9:4

Se ngako awe u txi tsimbila masoni kwangu ku nga ti a nga tsimbilisa tona tate wako Dhavhidha, ngu mbilu yotshe ni kutsana, kasi u maha totshe ti ni nga kuruma, ni kuveketa sileleto sangu ni kulamula kwangu,

Dhewuteronome 10:13

ni kuva u vekisa sirumo sa Mkoma, ni milayo yakwe, ayiya nyamsi ni ku leletako, kasi ku u mana kuzumbiseka, kani?

Dhewuteronome 11:13

Se ku na maheka taku, ngako ngu ditshuri mi txi vekisa sirumo siya nyamsi ni mi leletako, mi txi randa Mkoma, Txizimu txanu, ni ku mkhozela, ngu yotshe mbilu yanu, ni wotshe moya wanu,

Masalmo 145:20

Mkoma wa va xayisa votshe vale va mrandako; aniko va na fuviswa votshe vaonhi.

Levhi 17:5

Kasi ku vanana va ka Israyeli ve wuyisa ka Mkoma sihari si va nga daya hahanze ka wugovelo, va txi si neha kasi ku si maha mhamba ya mpatano.

1 Samuwele 9:12

Se mahorana ma to xamula ma txi kha ona: Ina, ndiyo hawa masoni kwako; Kuluveta koko, nguko nyamsi a tile didhoropani muwa, nguko vathu nyamsi va maha mhamba ka wukhalo wo guleka.

1 Vafumeli 8:25

Konkuwa koko, awe Mkoma, Txizimu txa Israyeli, maha ka txithumi txako, i ku tate wangu Dhavhidha, a ti u mga m'gela u txi khawe: Khu na mbi pwata kuhumelela masoni kwangu, khalahatsha ka txitulu txa wukoma txa ka Israyeli; aniko vanana vako va na xayise nzila yako, kasi kuve tsimbila masoni kwangu, nga ti awe u nga tsimbilisa tona masoni kwangu.

1 Vafumeli 8:61

Mbilu yanu yi na hetiseke masoni ka Mkoma, Txizimu txathu, kasi mi tsimbila ngu sileleto sakwe ni kuvekisa sirumo sakwe, nga nyamsi.

1 Vafumeli 14:8

kambe ni bhandile mfumo wa nyumba ya Dhavhidha, se ni ninga awe, se awe khwa maha ku nga txithumi txangu Dhavhidha, a nga vekisa sirumo sangu, e ni londeta ngu yotshe mbilu yakwe, e mahile atile i ngadi ta tinene masoni kwangu;

1 Vafumeli 14:23

Nguko ni vona va akile makhalo o guleka, ni sithombe, ni kuvata sifananiso, txitimwi ka sotshe simangwana hahatshi ka mindonga yo hanya.

1 Vafumeli 15:5

Nguko Dhavhidha a ti mahile tile i ngadi ta tinene masoni ka Mkoma, a sa nga phawuka ka totshe tile a ngadi mleletile ka otshe masiku a kuhanya kwakwe, hahanze ka mhaka ya Uriya, Muheti.

1 Vafumeli 15:11

Se Asa, a to maha tile i nga ti ta tinene masoni ka Mkoma, ku nga tate wakwe Dhavhidha,

1 Vafumeli 22:44

Hambi keto kha thavisa magandelo; vathu va txi ngadi ve phaxela ni kuhisa kona mabaselo.

2 Vafumeli 12:4

Se Jowasi a to gela vaphaxeli ku khene: Male yotshe ya sile so sawuleka si tiswako Nyumbani ka Mkoma, kufana ni male ya sixambanyo, ni male ya m'thu ni m'thu madingano ni mtengo wa siya, ni yotshe male yi tiswako ngu mmweyo ni mmweyo ngu kutilava kwakwe, Nyumbani ka Mkoma,

2 Vafumeli 14:3

Amaziya a mahile to lulama masoni ka Mkoma, hambiko a nga mbi fana ni tate wakwe Dhavhidha; a to maha nga tile a nga mahisa tona tate wakwe Jowasi.

2 Makronika 15:17

Makhalo o guleka kha ma thaviswa ditikoni da Israyeli, Asa a to va wo lulama ka masiku akwe otshe.