1 Vafumeli 3:16 - Bhiblia Yo Sawuleka

¹⁶ Sekoko va to ta vavasikati vambidi va magelegele ka mfumeli, va txi ta ema masoni kwakwe.

1 Vafumeli 3:16 Referans Kwoze

Eksodha 18:16

Ngako m'thu a di ni timhaka, ata kwangu, kasiku ni txi ta thethisa mmwani ni mmwani, se ni txi va kombisa milayo ya Txizimu ni mithetho ya kona.”

Valamuli 11:1

Sekoko Jefta, Mugileyadhi, i ti ti ndena ya mtamo; kambe i ti ti mwanana wa digelegele; aniko tate wakwe i ti ti Gileyadhi.

Joxuwa 2:1

Se Joxuwa, mwana Nune, a to ruma vavamna vambidi ngu Sitime, kuya xola ngu txihunja, a txi khene: “Tsulani, mi txi ya xola ditiko da Jeriko.” Va to tsula koko, va txi ya wulela nyumbani ka digelegele dokari, di nga ti dhanwa ku i Rahabhi, va ti ya otela koneyo.

Dhewuteronome 23:17

Kha ku na mbi va ni wugango hagari ka mahorana a ka Israyeli; hambi ku va ni Vasidhoni, hagari ka vanana va ka Israyeli.

Mitengo 27:2

se va to ya ema masoni ka Mosi, ni masoni ka Eleyazari, mphaxeli, ni masoni ka vathaveli, ni ka wotshe msengeletano, ka ditimba da ditenda da msengeletano, va txi kha vona:

Levhi 19:29

U nga nyenyezise mwanana wako wa dihorana, ngu ku mkujetela ti to e maha wugelegele, nguko ditiko di nga ti ningetetela amu ka wugelegele, di txi tala ngu wubhemba.

Eksodha 18:13

Se ku to maheka ati to, mangwanani ka kona, Mosi a to khalahatsha kasiku e thethisa vathu; vathu va manekile va di emile masoni kwakwe Mosi a txi vathethisa, kukhukhela mixo kala di txi swa.

1 Vafumeli 3:15

Se Solomoni a to wuka, e wona taku a ti ko lora. Se a to ta Jerusalema, a txi ta ti veka hafuhi ni dibhokiso da txitumelelano txa Mkoma, se a to ningela miphaxo, a to longisela miphaxo ya kudikha, se a to mahela m'buso wa hombe vathu vakwe votshe.

1 Vafumeli 3:17

Mmweyo wa vavasikati vale a to khene: Ha! Mfumeli wangu, ani ni wu wamsikati hi zumba nyumbani kumweko, se ni mane mwanana ni ti ka yona nyumba yile.

Mavingu 25:2

Txizimu txi dhundwa ngu ku txi nga sisa to maha; aniko kudhundeka ka vafumeli ngu loku va txi xola timhaka totshe.