1 Vafumeli 3:14 - Bhiblia Yo Sawuleka

¹⁴ Se, ngako u txi tsimbila ngu tinzila tangu, u txi vekisa milayo yangu ni sirumo sangu, nga ti a nga tsimbilisa tona Dhavhidha, tate wako, kambe ni na laphisa masiku ako.

1 Vafumeli 3:14 Referans Kwoze

Mavingu 3:2

Nguko milayo yi na engetela masiku ako, kambe yi na kuengetela malembe a kuhanya ni kuthutha.

Masalmo 91:16

Ni na mninga kuhanya masiku amangi, kambe ni na mkomba kuhanyisa kwangu.”

Zakariya 3:7

A womba tiya Mkoma wa Mabutho a Tiyimbi: U txi tsimbila ngu tinzila tangu, u xayisa sileleto sangu, ngawe u no lamula nyumba yangu, ni kuxayisa mitendela yangu, ni na kuninga wukhalo hagari ka awa ma kuho hawa.

1 Vafumeli 15:5

Nguko Dhavhidha a ti mahile tile i ngadi ta tinene masoni ka Mkoma, a sa nga phawuka ka totshe tile a ngadi mleletile ka otshe masiku a kuhanya kwakwe, hahanze ka mhaka ya Uriya, Muheti.

Mavingu 3:16

Kuengetelwa ka masiku ku ka dianza da txinene da wutxhari; ka da txibhabha kumaneka tithomba ni kudhundeka.

2 Makronika 34:2

Se a to maha ta tinene masoni ka Mkoma, a to tsimbila ngu nzila ya Dhavhidha tate wakwe, kha ngaza e khukha ka yona eya txinene mwendo txibhabha.

1 Vafumeli 3:6

Se Solomoni a to khene: Awe u thumisile txithumi txako Dhavhidha, tate wangu, ngu kukateka ka hombe, ngako ene a nga tsimbila ni nawe ngu ditshuri, ni nongameto, ni kululama ka mbilu, masoni kwako; se u m'vekete txikatekiso txa hombe, u mningile mwanana wu a no khalahatsha ha txikhaloni kwako ka wukoma, nga ti ti wonekako ka masiku awa.

Mithumo 13:22

Msana keto, Txizimu txi va fumisete Dhavhidha, txi mu maha mfumeli, awu txi nga mu fakazela kwawe, txi womba tiya: ‘Ni mani Dhavhidha, mwana Jese, i ku wo randeka ka mbilu yangu, awu a nota maha totshe ti ni ti xuvako.’

Masalmo 132:12

Ngako vanana vako va txi xayisa txitumelelano txangu ni sileleto sangu si ni no va gondisa, vanana vawe ni vona, va na khalahatsha ha txikhaloni kwako ka wukoma, kala kupinduka.”

Masalmo 21:4

Ene a kombete wutomi, se awe u mningile, wutomi wo lapha, wo fungala, wo mbi na magwito.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Dhewuteronome 5:16

Thava tate wako ni mame wako, nga ti Mkoma, Txizimu txako, a nga kuleleta, kasi masiku ako ma na anda ni nawe u na kateka, ka ditiko di Mkoma, Txizimu txako, a no kuninga.

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.

2 Makronika 29:2

A to maha to lulama masoni ka Mkoma, nga tile a nga mahisa tona tate wakwe Dhavhidha.

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

Dhewuteronome 25:15

U fanete ku va ni mpimo wumwewo wo nemela wa kuhetiseka ni kululama, ni mpimo wumwewo wa efa, wa kuhetiseka ni kululama, kasi ku masiku ako ma txi anda amuwa ka ditiko di Mkoma, Txizimu txako, a no ku ninga.

Dhewuteronome 5:33

“Mi na tsimbila ngu yotshe nzila yi Mkoma, Txizimu txanu, a nga mi leleta, kasi ku mi txi hanya, mi di katekile, ni ti to masiku anu ma txi anda, ka ditiko di mi no ya di teka, di txi maha danu.”

1 Vafumeli 11:34

Hambiketo na mbi teka txilo ka mfumwewo manzani kwakwe; aniko na m'veka kuva mthangeli ka otshe masiku a kuhanya kwakwe, ngu kuranda txithumi txangu Dhavhidha, awu ni nga msawula, awu a nga vekisa sirumo sangu ni sileleto sangu.

1 Makronika 28:7

Se ni na tsanisa mfumo wakwe kala kupinduka, ngako a txi xayisa ni kulondeta milayo yangu, ni sileleto sangu, nga ti a nga mahisa tona kala ka ditshiku da nyamsi.

Masalmo 21:5

Wudhumo wakwe mbwa hombe, ngu mhaka ya kuhanyisa kwako; awe u mningile nduma ni kuxonipheka.