1 Vafumeli 3:13 - Bhiblia Yo Sawuleka

¹³ Se ni ti u nga mbi kombela, ni ku ningile, tithomba kuva wudhundo; nga ku si maneki wo fana ni nawe hagari ka vafumeli, mndani ka masiku ako.

1 Vafumeli 3:13 Referans Kwoze

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Mavingu 3:16

Kuengetelwa ka masiku ku ka dianza da txinene da wutxhari; ka da txibhabha kumaneka tithomba ni kudhundeka.

Varoma 8:32

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

1 Makronika 29:25

Se Mkoma a to kulisa Solomoni, ngutu-ngutu masoni ka votshe va ka Israyeli; e kulisa mfumo wakwe, kupinda wa vafumeli votshe vale va nga maneka ka Israyeli.

2 Makronika 9:22

Sekoko mfumeli Solomoni a to pinda (pala) votshe vafumeli va ha mafuni ngu tithomba ni wuzivi.

Nehemiya 13:26

Ina hi nga toneto Solomoni, mfumeli wa ka Israyeli, a nga onha ngu tona, ku si nga ngadi ni mfumeli wo nga ene hagari ka matiko o tala, wa ku randwa ngu Txizimu txakwe, se Txizimu txi mveka kuva mfumeli wa dotshe ditiko da ka Israyeli kani? Hambi keto vavasikati va matiko, va to muonhisa.

Ekleziyaste 6:2

M'thu wule Txizimu txi nga mninga tithomba, mipeto, ni wudhumo, aha ko asi pwati txilo ka sotshe sile mbilu yakwe yi si navelako, kambe Txizimu kha txi mningi mtamo wa kusidya; aniko si dyiwa ngu mmwani; eto ni tona mbukanganyisi, kambe mbulwati wo karata.

1 Vafumeli 10:14

Se kunemela ka nzalama yile yi nga ti nehwa ka Solomoni dilembe ni dilembe i ti 666 wa titalenta ta nzalama,

Mavingu 4:9

Wu na veka m'bhoti wa wumbilu ha msungo kwako, kambe wu na kuninga m'bhoti wa wudhundo.