1 Vafumeli 3:12 - Bhiblia Yo Sawuleka

¹² wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

1 Vafumeli 3:12 Referans Kwoze

Ekleziyaste 1:16

Ani ni to womba mbiluni kwangu ni txi khani: Wona taku ni ti kulisile, kambe ni ti manete wutxhari, ka votshe vale va nga maneka Jerusalema, ni sanzi ku va ho ani; ngu ditshuri, mbilu yangu yi ningilwe wutxhari ni mapimo ngu mtalo.

Matewu 12:42

Mfumeli wa wamsikati wa kuta ngu wulambwe, a nata ngu distsiku da kuthethiswa kumweko ni liveleko liya, a txi li kambula, nguko ene a tile ngu magemeta-mitshi ka mafu ku ta pfa wuzivi wa Solomoni. Kasi waho kona hawa, wa hombe kupinda Solomoni.”

1 Vafumeli 5:12

Sekoko Mkoma a to ninga Solomoni wuzivi nga ti a nga ti thembisile; ku to maneka kuthutha hagari ka Hiramu ni Solomoni, ngu wumbidi wawe va to sunga txitumelelano.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

2 Makronika 2:12

Hiramu a to womba kambe a txi khene: Kukateka ku nave ka Mkoma Txizimu txa Israyeli, txi nga maha nzuma ni mafu, txi nga ninga Dhavhidha, mwanana wa wuzivi, wa wutxhari wa hombe ni kupfisisa, a na ake Nyumba ya Mkoma ni ya mfumo wakwe.

Vakolosa 2:3

awu i ku kwakwe txi nga siswa txotshe txuma txa wutxhari ni wuzivi.

1 Vafumeli 2:9

Se konkuwa u nga mmahe wo mbi na mnandu, nguko u m'thu u zivako, u na tiziva ati u no mmahela, kasi ku na za wunvi wakwe wu txi na reletwa diphalani ni mnoha.

Ekleziyaste 1:13

Se ni to ningetetela mbilu yangu kuxolisisa ni kuthumisa wutxhari wangu, kasi kuziva totshe ti ti mahekako hahatshi ka nzuma; mthumo wu Txizimu txi nga wu ningela ka vanana va vathu mbwo nemela, kasi kuva txi wu maha.

Masalmo 10:17

Mkoma, engisa mikombelo ya sisiwana; si mbuwetele u txi si amukela.

1 Vafumeli 2:6

Maha, nga ti u ti zivisako tona, u nga tumeli ti taku wunvi wakwe wu txi tshotshwa dithithani ngu kuthutha.

Mavingu 2:6

Nguko Mkoma wa ninga wutxhari, kambe wuzivi ni mapimo sita ngu txisofuni kwakwe.

Dhaniyeli 1:17

Txizimu txi to ninga mazambi awa a mune wuzivi ni mapimo wo ziva yotshe mibhalo ya wutxhari; kambe Dhaniyeli txi to mninga mapimo o txhamusela sotshe siwoniso ni miloro.

Dhewuteronome 34:9

Joxuwa, mwana Nune, a to tala ngu moya wa wutxhari, nguko Mosi a ti msanzekile manza akwe. Ni vanana va ka Israyeli va to mu engisa, va txi maha totshe madingano ni ti Mkoma a nga leleta Mosi.

1 Vafumeli 5:9

Sithumi sangu si na ma rwala kukhukhela Libhanoni kala lineneni, se ani ni na va ruma kuheleketa ngu sitataru ngu lineneni kala ka wukhalo wu u no ni elela kuya veka kona; se awe u na ma amukela; na nawe u na maha ti ni no ti lava, u na dyisa m'ti wangu.

1 Makronika 29:25

Se Mkoma a to kulisa Solomoni, ngutu-ngutu masoni ka votshe va ka Israyeli; e kulisa mfumo wakwe, kupinda wa vafumeli votshe vale va nga maneka ka Israyeli.

Nehemiya 13:26

Ina hi nga toneto Solomoni, mfumeli wa ka Israyeli, a nga onha ngu tona, ku si nga ngadi ni mfumeli wo nga ene hagari ka matiko o tala, wa ku randwa ngu Txizimu txakwe, se Txizimu txi mveka kuva mfumeli wa dotshe ditiko da ka Israyeli kani? Hambi keto vavasikati va matiko, va to muonhisa.