1 Vafumeli 22:53 - Bhiblia Yo Sawuleka

⁵³ Se a to maha to biha masoni ka Mkoma; nguko a nga tsimbila ngu tinzila ta tate wakwe, ni tinzila ta mwamwakwe, ni ka tinzila ta Jerobhowamu, mwana Nebhate, a nga onhisa Israyeli.

1 Vafumeli 22:53 Referans Kwoze

Ezekhiyele 8:3

Se a to nawuluta txo fana ni dianza, a txi ñola misisi ya msungo wangu; Moya wu to ni guleta hagari ka mafu ni nzuma, wu txi ni tisa Jerusalema ngu txiwoniso txa Txizimu, kala ha txikeni ka mthanda wa mndani, txi nga rendekela wuphemba, ku nga ti vekilwe txifaniso txa txiluse, txi wusako kulusa ka Txizimu.

Isaya 65:3

vathu va va ni henyisako masoni kwangu yotshe mbimo, va phaxelako va di tithembweni, ve hisa dibaselo txitimwi ka sitini;

Masalmo 106:29

Ngu simaho sawe so biha va wusile kuhenya ka Txizimu, se ngu mhaka yeto mtungu wu hangalakile hagari kwawe.

2 Vafumeli 3:2

Se a to maha wubihi masoni ka Mkoma; hambi keto kha nga tile a nga mahisa tona tate wakwe ni mwamwakwe; nguko ene koko a thavisile txithombe txa Bhahali a txile txi ngadi mahilwe ngu tate wakwe.

2 Vafumeli 1:2

Se Akaziya a to pfodola ngu ha ka tisimbi ta nyumba ya txitezi txa wumune, a ngadi nayo kona Samariya, a to lwala, eruma mitumi e va gela tiya: Tsulani mi ya wotisa Bhahali-Zebhubha, txizimu txa Ekroni, ku mwendo ni na kalamuka ka wulwati wuwa kani?

1 Vafumeli 21:29

Khwa ti wona taku Akabe wa ti namisa masoni kwangu kani? Ngako koko a ti namisako masoni kwangu, kha ni na mbi tisa kubiha kuwa ka masiku a kuhanya kwakwe, aniko ni na tisa wubihi wuwa ka masiku a kuhanya ka mwanana wakwe, nyumbani kwakwe.

1 Vafumeli 16:7

Ngu kumaha keto, di tile kambe dipswi da Mkoma, ngu ka mprofeti Jehu, mwana Hanani, do wukela Bhahasa ni nyumba yakwe; se totsheto ngu mhaka ya wubihi wule a nga wu maha masoni ka Mkoma, a txi m'henyisa ngu simaho sa manza akwe, nga tile ti nga maheka ka nyumba ya Jerobhowamu; se ngu mhaka yeto, a va pekile.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Vafumeli 21:25

Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.

2 Vafumeli 8:18

Se a to tsimbila ngu tinzila ta vafumeli va ka Israyeli, nga tile va nga mahisa tona va nyumba ya ka Akabe, nguko msikati wakwe i ti ti mwanana wa Akabe wa dihorana, a to maha wubihi masoni ka Mkoma.

2 Makronika 20:35

Msana keto, Josafati, mfumeli wa Judha, a to maha wuxaka ni Akaziya, mfumeli wa Israyeli, awu i ku mmahi wa to biha.