1 Vafumeli 22:5 - Bhiblia Yo Sawuleka

⁵ Josafati a to khene kambe ka mfumeli wa ka Israyeli: Nyamsi khata ngu kupfisisa dipswi da Mkoma.

1 Vafumeli 22:5 Referans Kwoze

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

2 Vafumeli 3:11

Se Josafati a to khene: Ina ahawa kha ngu nga ni mprofeti wokari wa Mkoma, kuva hi txi na wotisa ngu kwakwe ka Mkoma kani? Mmweyo wa vaprofeti va mfumeli a to xamula ku khene: Ndiyo Elixa mwana Safati, i nga txi thuma kumweko ni Elija.

Mitengo 27:21

Se a na vekwa masoni ka Eleyazari, mphaxeli wu ni no mtisa ka Urime, masoni ka Mkoma; nga ti a nga womba, va na huma; ni ku nga ti a nga ti womba ve wulela, ene ni votshe vanana va ka Israyeli, ni wosthe msengeletano.

Ezekhiyele 14:3

Awe mwanana wa m'thu, vathu vava ngu timbilu tawe va themba sithombe sawe, ni wubihi wawe va wu vekile masoni kwawe; ina ni dingana kuwotiswa ngu vo nga vona kani?

1 Makronika 10:13

Se Sawule a to fa ngu mhaka ya kutshuralela ku a nga tshuralela ngu kona Mkoma, ngu mhaka ya dipswi da Mkoma, adile a nga mbi di vekisa; ni ku kambe a lavile m'huti, e ta mu wotisa,

2 Vafumeli 1:3

Aniko Ngelozi ya Mkoma yi to kha yona ka Elija wa Tisibha: Khukha u kwelela u na manana ni mitumi ya mfumeli wa Samariya, u na khawe kwawe: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani?

1 Samuwele 30:8

Sekoko Dhavhidha a to wotisa ka Mkoma a txi khene: Ina ni nga wulondeta mtxawa wuwa wa masotxhwa kani? Ina na wu mana kani? Se Mkoma a to m'gela ku khene: Wu londete, nguko ngu ditshuri u na wu mana kambe u txhatxhisa sotshe.

1 Samuwele 23:4

Sekoko Dhavhidha a to wotisa kambe ka Mkoma, se Mkoma a to mxamula, a txi khene: Khukha, relela uya Keyila, nguko ni na ningela Vafilista manzani kwako.

1 Samuwele 23:2

Se Dhavhidha a to wotisa ka Mkoma, a txi khene: Ina ani ni tsula kuya xasela Vafilista vava kani? Se Mkoma a to khene ka Dhavhidha: Tsula u ya xasela Vafilista u lamulela didhoropa da Keyila.

1 Samuwele 14:18

Sekoko Sawule a to khene ka Ayiyasi: Tisa dibhokiso da Txizimu hawa. (Nguko ka ditshiku dile, dibhokiso da Txizimu di ti ni vanana va ka Israyeli).

Valamuli 20:29

Sekoko Israyeli a to randela Gibheya.

Valamuli 20:23

Se vanana va ka Israyeli va to kwelela, va txi ya dila masoni ka Mkoma kala ni minova, va txi wotisa ka Mkoma, va txi kha vona: “Ina hi nga tshumela kambe hi yalwa ni vanana va ka Bhenjamini, vona va i ku vanathu kani?” Se Mkoma a to kha ene: “Tsulani mi txi yalwa navo!”

Valamuli 20:18

Se vanana va ka Israyeli va to khukha, va txi kwelela Bheteli, veya wotisa ka Txizimu, va txi kha vona: “I mani hagari kwathu a no thangela e kwela ku yalwa ni va ka Bhenjamini kani?” Se Mkoma a to khene: “I Judha a no khata ene e kwela.”

Valamuli 1:1

Se ku to maheka taku msana ka kufa ka Joxuwa, vanana va ka Israyeli, va to wotisa ka Mkoma, va txi kha vona: I mani hagari kwathu a no khata ene e kwela, a txi ya ka Vakanana, ku yalwa navo kani?

Joxuwa 9:14

Sekoko va ka Israyeli va to teka timbuva ta va ka Gibheyoni, aniko kha va kombela wusungukati ka Mkoma.

1 Vafumeli 22:4

Sekoko Akabe a to khene ka Josafati: Se u na tsula ni nani kulwani, kona Remoti-Gileyadhi kani? Se Josafati a to khene ka mfumeli wa Israyeli: Ani ni na nga awe, ni vathu vangu va na nga va vako, hambi mahantxhi angu, nga mahantxhi ako.

1 Vafumeli 22:6

Sekoko mfumeli wa ka Israyeli a to sengeleta vaprofeti vo lava kudingana 400, a txi khene kwawe: Ina ni tsula mwendo ni nga tsule ku yalwa ni didhoropa da Ramoti-Gileyadhi kani? Se vaprofeti va to kha vona: Tsula nguko Mkoma a na di ningela manzani kwako awe mfumeli.