1 Vafumeli 22:44 - Bhiblia Yo Sawuleka

⁴⁴ Hambi keto kha thavisa magandelo; vathu va txi ngadi ve phaxela ni kuhisa kona mabaselo.

1 Vafumeli 22:44 Referans Kwoze

2 Makronika 19:2

Se Jewu mwana Hanani, m'huti, a to mu hingeta a txi khene ka mfumeli Josafati: Ngu kutxani u vhuna vabihi, u randa ava va nyenyako Mkoma kani? Ngu mhaka yeto, kuhenya ka Mkoma ku nata txitimwi kwako.

2 Vafumeli 8:18

Se a to tsimbila ngu tinzila ta vafumeli va ka Israyeli, nga tile va nga mahisa tona va nyumba ya ka Akabe, nguko msikati wakwe i ti ti mwanana wa Akabe wa dihorana, a to maha wubihi masoni ka Mkoma.

1 Vafumeli 22:2

Hambi keto, ka dilembe da wuraru, ku to maheka taku Josafati, mfumeli wa ka Judha, e relela eya ka mfumeli wa ka Israyeli.

2 Vakorinto 6:14

Mi nga sungweni ha dikangeni kumweko ni va va si kholwiko. Nguko wusengeli muni wu kuho hagari ka kululama ni kubiha kani? Mwendo wusengeli muni wu kuho hagari ka liwoningo ni txidema kani?

2 Makronika 21:6

Se a to tsimbila ngu tinzila ta vafumeli va ka Israyeli, nga tile va nga mahisa tona va nyumba ya ka Akabe; nguko msikati wakwe i ti ti mwanana wa Akabe, a to maha wubihi masoni ka Mkoma.

2 Vafumeli 8:16

Se ka dilembe da wutxhanu da kufuma ka Joramu, mwana Akabe, mfumeli wa ka Israyeli, Josafati a txi ngadi e fumela Judha, a to khata kufuma Jehoramu, mwana Josafati, mfumeli wa ka Judha.

1 Vafumeli 3:2

Aniko vathu va txi phaxela ka makhalo o guleka dwe, nguko kala ka ale masiku, ku si se akelwa nyumba ditina da Mkoma.

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

Isaya 65:7

sionho sanu, kumweko ni sionho sa vatate vanu, kuwomba Mkoma, avale va nga hisa dibaselo mimangoni, ni ku ni ruketela simangwanani; ngu mhaka yeto, ni na tshumela ni va pimela mithumo yawe ya kale, masoni kwawe.