1 Vafumeli 22:3 - Bhiblia Yo Sawuleka

³ Akabe mfumeli wa ka Israyeli a to khene ka sithumi sakwe: Ina kha mi tizivi taku didhoropa da Ramoti-Gileyadhi ndathu, ni ku hi ko dwe, hi si di honyoli manzani ka mfumeli wa Siriya kani?

1 Vafumeli 22:3 Referans Kwoze

Dhewuteronome 4:43

I ku Bhezeri, libalani ka txiwula, i ti da va ka Rubheni; Romoti wa Gileyadhi, i ti da va ka Gadhi; ni Golani wa Bhasani, i nga ti da va ka Manasi.

1 Vafumeli 4:13

Bheni-Gebheri, i ku madhoropa a Ramoti-Gileyadhi; ku ti ti ni mikhokhola ya Jayiri, mwana Manasi, ayi yi manekako kona Gileyadhi; kambe ngu magwito ka Argobhe ku manekako Bhasani, ku ti ti ni mtxhanu wa magumi ni dimwedo a madhoropa a hombe o bhiywa ngu maguma a tisimbi ni koporo.

Joxuwa 21:38

Ka lihunzu la ka Gadhi, Ramoti ni Gileyadhi, didhoropa da wuthavelo ka vale va dayako m'thu, kumweko ni wudyiselo wa kona, Mahanayimu ni wudyiselo wa kona.

2 Samuwele 19:10

Se Abhisalome wule athu hi nga mtota kuva mthangeli txitimwi kwathu, a fite yimbini; konkuwa koko, mi malalela txani mi si tshumetiko mfumeli kani?

Valamuli 16:2

Se vathu va Gaza va to ziviswa ti taku: “Samusoni a wulete muwa.” Va to tsula koko veya mrandela, ni ku m'zingela wusiku wotshe, ha txikeni ka didhoropa; ngu kumaha keto wotshe wusiku va to thutha, na va txi kha vona: “Hi na rinzela kala di txi txa; se ngu kona hi no m'daya.”

Joxuwa 20:8

Se ngu mtxhatuko ka Jordhani ngu wutxani ka Jeriko, va to sawula didhoropa da Bhezeri, txiwulani, libalani ka lihunzu la ka Rubheni, ni didhoropa da Ramoti da Gileyadhi, ka lihunzu la ka Gadhi, ni da Golani wa Bhasani, da lihunzu la ka Manasi.

1 Vafumeli 22:29

Ngu kumaha keto, Akabe mfumeli wa ka Israyeli, ni Josafati mfumeli wa ka Judha, va to tsula didhoropani ka Ramoti-Gileyadhi.

2 Vafumeli 8:28

Se Akaziya a to tsula Ramoti-Gileyadhi, kumweko ni Joramu, mwana Akabe, ku yalwa ni Hazayeli, mfumeli wa Siriya; se Vasiriya va to dayisa Joramu.

2 Vafumeli 9:14

Sekoko Jehu, mwana Josafati, mwana Ninisi, a to wukela Joramu. Nguko Joramu a ti ti randete Ramoti-Gileyadhi, ene ni votshe va ka Israyeli, ngu mhaka ya Hazayeli, mfumeli wa Siriya.

Valamuli 18:9

Se vona va to kha vona: “Khukhani, he tsimbileni hi txi ya va wukela; nguko hi xote ditiko, se hi wona ti to dinene ngutu; mi ngadi mi verela txani kani? Mi nga kanakaneni kutsula mi txi ya teka ditiko diya.