Se Vajudha vokari, i nga ti vo tsimbila ve tovela madhimoni, va to duketa ni vona kukhongela ngu ditina da Jesu txitimwi ka vale va nga ti ni mimoya yo biha, va txi kha vona: “Ani na kudhusa ngu Jesu wu a wombwako ngu Paulo.”
Aniko Jesu a to simama e malala. Se mphaxeli wa hombe a to mu gela a txi khene: “Na ku xambanyisa ngu Txizimu txi txi hanyako ti to u hi gela mwendo ngawe Mesiya, Mwanana wa Txizimu kani?”
Se ka ditshiku dile vathu va ka Israyeli va ti rerekile ngutu, nguko Sawule a ti xambanyile ka vathu, a txi khene: Dikhombo ka m'thu wule a no dya dipawu kala ni minova, kasiku ni ti photela ka valala vangu. Se vathu votshe va to leka kudya dipawu.
Se ka yona yile mbimo, Joxuwa a to xambanya, a txi khene: “A na ruketelwe masoni ka Mkoma, m'thu wu a no aketa didhoropa diya da Jeriko! A txi aka makhato a didhoropa, a na felwa ngu matiwula akwe, Mbimo yi ku no vekelwa matimba, a na felwa ngu mwanana wakwe wa tshole.”
Mikaya a to ta ka mfumeli, se mfumeli a nje ku mu wotisa ku khene: Hi tsula ku yalwa ni didhoropa da Ramoti-Gileyadhi, mwendo hi nga tsule kani? Se Mikaya a to mxamula ku khene: Kwelela u na ya xula, nguko Mkoma a na di nigela manzani kwako, awe mfumeli.
Sekoko Mikaya a to xamula a txi khene: Ni woni votshe va ka Israyeli va ti hangalakile mimangoni, nga tinvuta to pwata m'dyisi; se Mkoma a to khene: Avava kha va nga ni nyamne; mmweyo ni mmweyo a na tshumele ngu kuthutha e tsula nyumbani kwakwe.
mfumeli Zedhekiya a to rumela kuya m'humisa, se mfumeli a to m'dhana ngu txihunja nyumbani kwakwe, a txi khene: Ina di nga vaho dipswi ngu ka Mkoma kani? Jeremiya a to xamula, a txi khene: Diho. E engeta a txi khene: Awe u na ningelwa manzani ka mfumeli wa Bhabhilona.
Sekoko mfumeli Zedhekiya a to va ruma kuya dhana mprofeti Jeremiya ku va e maneka ka txike txa wuraru txa Nyumba ya Mkoma. Se mfumeli a to khene ka Jeremiya: Na nga ku wotisa mhaka, u nga ni sisele txilo.
Sekoko Bhalahamu a to khene ka Bhalake: Ni wone ti to ni tile hafuhi kwako; kambe na mbi sikota kuwomba kuranda kwangu. Dipswi di Txizimu txi no ni ninga kuangula ngu txisofu txangu, ngu donedo ni no di womba.
Mprofeti wu aku ni mloro, a na wu xawutele; aniko awu a ku ni mhaka yangu, nga a txi txhumayela yona ngu kuthembeka. Ngu kutxani mi pata mthungu ni fulaho kani? Kuwomba Mkoma!