1 Vafumeli 21:8 - Bhiblia Yo Sawuleka

⁸ Sekoko Jezabheli a to bhala mapapilo ngu ditina da Akabe, se a txi ma lema ngu txitambu txakwe, e rumela mapapilo ale ka madhota ni vahombe va nga ti ti ho didhoropani kwakwe, kambe va nga ti zumba ni Nabhote.

1 Vafumeli 21:8 Referans Kwoze

Nehemiya 6:5

Sekoko ngu mamahelo oneyo, ngu mbimo ya wutxhanu, Sambalati a to ni rumela mfana wakwe, ni dipapilo di ti tutwe, manzani kwakwe.

Ezra 4:11

Mahungu a dipapilo dile va nga rumela ka mfumeli Aritasasta ngu awa: “Sithumi sako i ku vavamna va mtxhatuko ka mnambo, ngu mbimo ya kona.”

2 Makronika 32:17

Senakeribhe a to bala kambe mapapilo o ruketela Mkoma, Txizimu txa Israyeli, a txi khene: A ku sizimu sa mifumo ya ditiko si nga mbi xanguta vathu va sona manzani kwangu, ngu toneto, ni txona Txizimu txa Ezekhiya kha txi na mbi hulukisa vathu va txona manzani kwangu.

2 Vafumeli 10:11

Se Jehu a to dayela votshe vale va nga ti sate, va nyumba ya ka Akabe, kona Jezireyeli, kumweko ni vahombe va kona, ni votshe vale va nga txi va ziva, ni vaphaxeli vawe, kala kuza asi siyi ni wammweyo.

1 Vafumeli 21:1

Se msana ka tiya, ku to maheka taku: Nabhote, Mujezireyeli, a ti ti ni Thembwe yi nga ti hafuhi ni nyumba ya wukoma ya Akabe, mfumeli wa Samariya,

1 Vafumeli 20:7

Sekoko mfumeli wa Israyeli a to dhana otshe madhota a ditiko, a txi ta khene: Hi nga wonani wubihi wu a lavako ku hi mahela; nguko a rumete ku ta teka vasikati vangu ni vanana vangu, ni silivhela yangu ni nzalama yangu, kambe kha na mlambela.

Mitengo 11:16

Se Mkoma a ti khene ka Mosi: “Dhana madhota a mtxhanu wa magumi ni magumi mambidi, a vanana va ka Israyeli, ava u ti zivako taku madhota a vathu, ni vathangeli va kona; u va yisa masoni ka ditenda da msengeletano, amu va no ya maneka kona ni nawe.”

Matewu 27:66

Sekoko vona va to veka vawoneleti ha diyivani, ve tsanisa dirigwi ngu txixambanyo.

Rute 4:2

Sekoko Bhowazi a to dhana digumi da vavamna hagari ka madhota a didhoropa, a txi khene: “Hi nga khalahatshani hawa.” Se vona va to khalahatsha.

1 Vafumeli 21:9

A to bhala ka mapapilo a txi khene: Zivisani mhaka ya kutitona, mi guleta Nabhote txitimwi ka vathu.

Rute 4:11

Se votshe vathu vale va nga ti ti ha banza, ni madhota, va to kha vona: Hi tifakazi; Mkoma a na mahe ti to awu wamsikati a wulelako nyumbani kwako, a txi fanana ni Rakeli ni Leya, avale ngu wumbidi wawe va nga aka nyumba ya ka Israyeli; kateka ngutu amu ditikoni ka Efrata, u txi maha wa ditina da nduma amu Bhetlehema.