1 Vafumeli 21:25 - Bhiblia Yo Sawuleka

²⁵ Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.

1 Vafumeli 21:25 Referans Kwoze

1 Vafumeli 21:20

Se Akabe a to khene ka Elija: Se u ni mani awe mlala wangu kani? Se Elija a to khene: Ni ku mani; nguko se u ti xavisile, ngu kumaha to biha masoni ka Mkoma.

Mavingu 22:14

Sisofu sa vavasikati va mabhemba maphala o tshima; ale a no wela ka ona wule a no henyelwa ngu Mkoma.

Ekleziyaste 7:26

Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene.

Varoma 6:19

Ni womba ngu mawombawombelo a vathu ngu mhaka ya dikhodho da wuthu wanu. Ngako mi nga ningela sihango sanu si thumela wubihi ni kuonha, asi si hambanako ni kuranda ka Txizimu, se konkuwa ningelani sihango sanu si thumela kululama akuwa ku yisako kubasiswani.

Mithumo 14:2

Aniko Vajudha va va nga mbi kholwa va to kujetela vamatiko kasiku timbilu tawe ti txi wukela vanathu.

1 Vafumeli 21:7

Sekoko msikati wa kona Jezabheli, a to khene kwakwe: Kasi hi ngawe mfumeli wa Israyeli konkuwa kani? Wuka u txi dya dipawu, kambe mbilu yako yi na tsake; ani ni na kuninga thembwe ya Nabhote, Mujezireyeli.

Mithumo 6:12

Ngu toneto, va wusile vathu, ni madhota ni vabhali, se va to mu tela ngu txidhukisa, va ta mñola, ve mu yisa banzani ka wukoma.

Isaya 52:3

Nguko Mkoma a to khene ka vathu vakwe: Kha ma xaviswa ngu txilo; kambe mi na tirulwa, na i si nga ngu male.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

2 Vafumeli 23:25

A sanzi kufuma Josiya, kha nga maneka mfumeli wo fana nayo, wo hundulukela ka Mkoma ngu yotshe mbilu yakwe, ni muhefemulo wakwe wotshe, ni mtamo wakwe wotshe, madingano ni wotshe Mlayo wa Mosi; ni msana kwakwe, kha ka nga maneka mmwani wo fana nayo.

2 Vafumeli 17:17

Kambe va to phindisa ngu ha ka mndilo vanana vawe vavafana ni vamahorana, ve ti ningetetela amu ko xaxuva, ni kudhunda wuñanga, va txi ti xavisa, ngu kumaha tile i ku to biha masoni ka Mkoma, kasi ku mu wusela txiviti.

1 Vafumeli 19:2

Sekoko Jezabheli a to ruma mtumi ka Elija, kuya khene: Si na ni tsayise ngutu sizimu ngako kala ka mbimo yo nga yona yiya, ni si ku dayi nga ti u nga va dayisa tona.

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

Varoma 7:14

Nguko ha tiziva ti to mlayo mbwa Moya; kambe ani ngu mtumbuluko wangu ni m'thu wo xuleka, ni xavisilwe ni mahwa khumbi ya txionho.

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

1 Vafumeli 18:18

Se ene a nje khene: Ani kha ni zivi ku nga khulumetela Israyeli, aniko ngawe ni nyumba ya tate wako, ngu ku mi nga leka milayo ya Mkoma mi londisa va ka Bhahali.

1 Vafumeli 22:52

Akaziya mwana Akabe, a to khata kufuma Samariya, ka dilembe da digumi ni mtxhanu ni mambidi a Josafati, mfumeli wa ka Judha; se a to fumela Israyeli malembe mambidi.

2 Vafumeli 9:34

Mbimo yile koko a nga ti wulete, a ti dyite ni kusela, a to khene: Mtekeni m'bihiyo mi txi ya mtshotsha, nguko i mwana mfumeli.

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

1 Vafumeli 16:25

Se Oniri a to maha wubihi masoni ka Mkoma; a to onha ngutu kupinda votshe vale vo khata.

1 Vafumeli 22:53

Se a to maha to biha masoni ka Mkoma; nguko a nga tsimbila ngu tinzila ta tate wakwe, ni tinzila ta mwamwakwe, ni ka tinzila ta Jerobhowamu, mwana Nebhate, a nga onhisa Israyeli.

2 Vafumeli 9:22

Se mbimo yile Joramu a nga wona Jehu, a to khene: Ina ku ni kuthutha kani Jehu kani? Se ene a nje khene: Ngu thutha muni na kuve wugelegele wa mwamwako Jezabheli ni maloyi akwe nzingi kani?

Nehemiya 13:26

Ina hi nga toneto Solomoni, mfumeli wa ka Israyeli, a nga onha ngu tona, ku si nga ngadi ni mfumeli wo nga ene hagari ka matiko o tala, wa ku randwa ngu Txizimu txakwe, se Txizimu txi mveka kuva mfumeli wa dotshe ditiko da ka Israyeli kani? Hambi keto vavasikati va matiko, va to muonhisa.