1 Vafumeli 21:21 - Bhiblia Yo Sawuleka

²¹ Wona taku ni na tisa dikhombo txitimwi kwako, ni na lovisa vanana vako, votshe vavamna va ka Akabe ni na va fuvisa, ni votshe vale i ku maxonga ni vale vo bulwa kona Israyeli;

1 Vafumeli 21:21 Referans Kwoze

1 Vafumeli 14:10

se ni na tisa dikhombo nyumbani ka Jerobhowamu, se ni na va abanisa kukhukhela ka wamwamna kala ka mfana, hagari ka txikarawa ni wo txhatxheka amu Israyeli, se ni na tshotsha hahanze liveleko la nyumba ya Jerobhowamu, nga tile si tshotshiswako tona sinoniso, kala ku va heta votshe.

2 Vafumeli 14:26

Nguko Mkoma a woni to kuxaniseka ka Israyeli i ti ti ko nemela ngutu, kambe ku si nga ho kuhambana ka wo sungwa ni wo txhatxheka, hambi wo vhunetela Israyeli.

2 Vafumeli 10:30

Se Mkoma a to khene ka Jehu: Ngako u nga maha ti i ku to lulama masoni kwangu, madingano ni ti ni ngadi nato mbiluni kwangu, u mahile ka nyumba ya ka Akabe, vanana vako va na fumela Israyeli kala ka liveleko la wumune.

2 Vafumeli 10:17

Mbimo yile a nga hoka Samariya, a to dayela votshe va ka Akabe vale va nga ti sate Samariya, eza a txi va khundumusela, madingano ni dipswi dile Mkoma a nga ti gete Elija.

1 Samuwele 25:34

Nguko ngu ditshuri, ni xambanya ngu Mkoma, Txizimu txa Israyeli, wule a nga ni vhalela ku ku mahela wubihi tito, i ti ku awe u sa kuluveta, u ni hingeta, ku sa sala txilo ka Nabhali, kala ni mixo, hambi mfana mmweyo.

1 Samuwele 25:22

Ngu toneto, Txizimu txi na mahe ni kuengeta ka valala va Dhavhidha, ngako ni txo siya wa mfana mmweyo ka sotshe si a ku naso kala ni mixo.

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

1 Vafumeli 16:3

wona, ni na thavisa liveleko la Bhahasa ni liveleko lako, se wu na nga tile wu nga mahisa tona m'ti wa Jerobhowamu, mwana Nebhate.

1 Vafumeli 15:30

ngu mhaka ya sionho sa Jerobhowamu, a nga onha e onhisa ni Israyeli, ni mhaka ya tile a nga vhilukisisa tona kuhenya ka Mkoma, Txizimu txa Israyeli.

2 Vafumeli 21:13

Ni na gwimba ngoti ya Samariya txitimwi ka Jerusalema, ni txidinganiso txa nyumba ya ka Akabe; ni na kuwula Jerusalema ku nga tile a mahisako tona wule a kuwulako mbiya, e gwita e yi fenengeta.

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.