1 Vafumeli 21:15 - Bhiblia Yo Sawuleka

¹⁵ Se ngako Jezabheli a di ti pfite taku Nabhote a balisetwe ngu marigwi, niku a fite, Jezabheli a to khene ka Akabe: Nabhote a fite. Khukha u txi ya teka thembwe ya Nabhote, Mujezireyeli, ayile a nga kulambela kuxava ngu male; nguko Nabhote khe ngadi a txi hanya, a fite.

1 Vafumeli 21:15 Referans Kwoze

Mavingu 4:17

Nguko vadya dipawu da wuonhi, se ve sela vhinya ya mazunga.

1 Vafumeli 21:7

Sekoko msikati wa kona Jezabheli, a to khene kwakwe: Kasi hi ngawe mfumeli wa Israyeli konkuwa kani? Wuka u txi dya dipawu, kambe mbilu yako yi na tsake; ani ni na kuninga thembwe ya Nabhote, Mujezireyeli.

1 Vafumeli 21:1

Se msana ka tiya, ku to maheka taku: Nabhote, Mujezireyeli, a ti ti ni Thembwe yi nga ti hafuhi ni nyumba ya wukoma ya Akabe, mfumeli wa Samariya,

1 Vafumeli 21:14

Sekoko va to rumela m'biko ka Jezabheli wa ku kha vona: Nabhote a balisetwe ngu marigwi, a txi fa.

1 Vafumeli 21:16

Se mbimo yile Akabe a nga pfa taku se Nabhote a fite, Akabe a to khukha e relela thembweni ka Nabhote, Mujezireyeli, a txi ya yi teka.

2 Vafumeli 9:7

U na peka nyumba ya nyamne wako Akabe, kuva ni lwisa mnoha wa sithumi sangu, wa vaprofeti, ni mnoha wa sithumi sa Mkoma, ngu dianza da Jezabheli.

2 Vafumeli 9:21

Sekoko Joramu a to khene: Longiselani txikotxikani txangu. Ku to longiselwa txikotxikani, kukhukha Joramu, mfumeli wa ka Israyeli, ni Akaziya, mfumeli wa ka Judha, mmweyo ni mmweyo amu ka txikotxikani txakwe, ve tsula kuya wonana ni Jehu, se va to ya mmana ka wukhalo wa wudotho wa thembwe ya Nabhote Mujezireyeli.