1 Vafumeli 21:11 - Bhiblia Yo Sawuleka

¹¹ Se vavamna va didhoropa dakwe, madhota ni vathu vahombe vale va nga ti zumba ka didhoropa dakwe, va to maha madingano ni kuruma ka Jezabheli, nga ti ti nga ti bhatwe mu ka mapapilo, ale a nga ti va rumete.

1 Vafumeli 21:11 Referans Kwoze

Mithumo 5:29

Aniko Pedro ni vamwani Vapostoli va to xamula, va txi kha vona: “Ti ni fanelo ngutu kuengisa Txizimu kupinda kuengisa vathu.

Mithumo 4:19

Kambe Pedro ni Johani va to xamula, va txi kha vona: “Ati ti nga lulama masoni ka Txizimu ngu tihi kani: Kuengisa anu mwendo kuengisa Txizimu kani?

Matewu 2:16

Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

Matewu 2:12

Ngako va di zivisilwe ngu mu ka miloro, ti to va si pindi ngu ka Herodha, va to tshumela ngu yimwani nzila ve tsula ditikoni kwawe.

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Hoseya 5:11

Efrayime a ha kuxanisekani, ni kukarala ka mialakanyo, nguko a lavile kutsimbila ngu nzila yo biha.

Mavingu 29:26

Vathu vavangi va lava khohe ya mthangeli, aniko kululama ka mmweyo ni mmweyo kuta ngu ka Mkoma.

Mavingu 29:12

Mthangeli wule a engiselako timhaka ta makuhu, a na pimisa taku sotshe sithumi sakwe mbaonhi.

2 Makronika 24:21

Va to sunga txikungo txo m'daya, ve m'balisela ngu marigwi, ka mtendela wa Nyumba ya Mkoma, madingano ni kuruma ka mfumeli.

1 Samuwele 23:20

Konkuwa koko, awe mfumeli kuluveta u relela madingano ni kotshe kunavela ka muhefemulo wako; nguko athu hi zumba hi di mningete manzani ka mfumeli.

1 Samuwele 22:17

Se mfumeli a to khene ka vawoneleli vakwe, vale va nga ti kumweko nayo: Hundulukani mi daya vaphaxeli va Mkoma, nguko ni vona va pfana ni Dhavhidha, nguko va ti zivile to a tutumile kambe kha va ni zivisa. Aniko sithumi sa mfumeli kha sa tumela kudaya vaphaxeli va Mkoma.

Levhi 19:15

Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

Eksodha 1:21

Se ku to maheka taku, ngako vahefemulisi va nga txi thava Txizimu, txona txi to katekisa tinyumba tawe.

Eksodha 1:17

Aniko vahefemulisi ngu kuthava Txizimu, kha va maha nga ti mfumeli wa Egipta a nga ti va rumile tona, va to leka vanana va vafana ve hanya.

1 Vafumeli 21:10

Mi veka masoni kwakwe vavamna vambidi, vanana va Bheliyali, va txi womba masoni kwakwe va txi kha vona: U ruketete Txizimu, ni mfumeli; se mi txi m'humisa hahanze mi txi m'balisela ngu marigwi, a txi fa.

1 Vafumeli 21:12

Va to leletela kutitona, se va txi guleta Nabhote txitimwi ka vathu.

Isaya 59:14

Ngu kumaha keto, kulamulwa ku tshumelete msana, ni kululama ku ti vekile kule; nguko ditshuri di gutilwe tiruwani, se kululama kha ku sikoti kuwulela.