1 Vafumeli 20:7 - Bhiblia Yo Sawuleka

⁷ Sekoko mfumeli wa Israyeli a to dhana otshe madhota a ditiko, a txi ta khene: Hi nga wonani wubihi wu a lavako ku hi mahela; nguko a rumete ku ta teka vasikati vangu ni vanana vangu, ni silivhela yangu ni nzalama yangu, kambe kha na mlambela.

1 Vafumeli 20:7 Referans Kwoze

2 Vafumeli 5:7

Se mbimo yile a nga gonda dipapilo mfumeli wa ka Israyeli, a to vharula syambalo sakwe, a txi khene: Ina no va Txizimu ani, txo daya ni kuhanyisa, kuza e ni rumela wamwamna wuwa, kuva ni m'hanyisa ka xokonho kani? Sekoko ti woneni, na mi kombela, a lava wurindi wa ku ni lwisa.

Dhaniyeli 11:27

Kambe vafumelivo vavambidi va na va ni mbilu yo maha kubiha, ni kuwomba makuhu; ene koko kha na mbi kula, nguko magwito ma na zivaneka ngu mbimo ya kona.

Mavingu 24:2

nguko timbilu tawe ti alakanyela wubihi, ni sisofu sawe si womba-womba kubiha.

Mavingu 11:27

Awule a xotako wunene i di ngadi mixo wa ti lavela kusizeka, aniko ka wule a lavako wubihi wu nata txitimwi kwakwe.

Mavingu 11:14

Ku si nga ni wuthangeli wo txhariha, vathu va wa, aniko ku di ni valayeli vavangi, ku ni kutsana.

Mavingu 6:14

Kuonha kuho mbiluni kwakwe; yotshe mbimo a pimisela wubihi; e tsimbila e phaya mazunga.

Masalmo 140:2

vo alakanyela kubiha timbiluni kwawe; va tshanganelako kuwusa mazunga.

Masalmo 62:3

Mi na gwita mbimo muni kuwukela m'thu kasi ku m'daya, ene wu a fanako ni diseta di di lavako kuwa mwendo ku nga diguma da marumbini kani?

Masalmo 36:4

Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.

Masalmo 7:14

Wonani m'thu wo soholoka wa lumwa ngu txionho, ana ni txirumbu txa wubihi se a na veleka makuhu.

Jobe 15:35

Va ni sirumbu sa mthumo wo veleka wubihi, se tindani kwawe kululamisela wukanganyisi.

1 Makronika 28:1

Sekoko Dhavhidha a to ramba kona Jerusalema votshe vathangeli va ka Israyeli, ni vathangeli va tihunzu, ni vathangeli va mitxawa, vale va nga ti thumela mfumeli, ni vathangeli va magumi a mazana, ni vathangeli va mazana, ni vathangeli va totshe tithomba ni makhalo a mfumeli, ni va vanana vakwe, kumweko ni mithenwa, ni vavamna, ni votshe vavamna va mtamo.

1 Makronika 13:1

Se Dhavhidha a to maha txikungo ni vathangeli va yimbi va magumi a mazana, ni va mazana, ni votshe vathangeli;

1 Vafumeli 8:1

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vathangeli va vatate, hagari ka vanana va ka Israyeli, masoni kwakwe, kona Jerusalema, kuva ve kwelisa dibhokiso da txitumelelano txa Mkoma, da Didhoropani da Dhavhidha, i ku Siyoni.

1 Vafumeli 20:6

hambi keto mangwana, ka yona yiya mbimo, ni na rumela mahalamu angu ma txi ta guluwuta nyumbani kwako ni tinyumbani ka sithumi sako; se ku na maheka tito, sotshe sile si tsakisako masoni kwako, va na teka ngu manza awe.

1 Vafumeli 20:8

Se otshe madhota ni votshe vathu, va to kha vona: U nga mu engise, hambi ku mtumelela.

1 Vafumeli 21:8

Sekoko Jezabheli a to bhala mapapilo ngu ditina da Akabe, se a txi ma lema ngu txitambu txakwe, e rumela mapapilo ale ka madhota ni vahombe va nga ti ti ho didhoropani kwakwe, kambe va nga ti zumba ni Nabhote.