1 Vafumeli 20:22 - Bhiblia Yo Sawuleka

²² Sekoko mprofeti a to tshuketa hafuhi ka mfumeli wa Israyeli a txi ta khene: Tsula u ya ti lulamisela, ni kupimisa ati u no maha; nguko mndani ka dilembe, mfumeli wa Siriya a na kuwukela.

1 Vafumeli 20:22 Referans Kwoze

1 Vafumeli 20:26

Ku di pindile dilembe, mfumeli Bheni-Hadhadhe a to xola Vasiriya e kwelela kala Afeki, ku yalwa ni Vaisrayeli.

2 Samuwele 11:1

Se ku to maheka ta ku, ku di pindile dilembe dimwedo, ka mbimo yile vafumeli va nga huma veya kulwani, Dhavhidha a to rumela Jowabhi, kumweko ni sithumi sakwe, ni votshe va ka Israyeli, kuya xasela vanana va ka Amoni ni kuya randela Rabha; kambe Dhavhidha a to sala kona Jerusalema.

1 Vafumeli 20:13

Se ku to ta woneka mprofeti ka Akabe, mfumeli wa Israyeli, a txi ta khene: Mkoma a khene: U di woni dotshe dibutho diya da hombe kani? Nyamsi ni na di ningela manzani kwako, kasi u txi na tiziva ti to ani ngani Mkoma.

1 Makronika 20:1

Se ku to maheka taku, ku di pindile dilembe dimwedo, ka mbimo yile vafumeli va nga ti tolovela kuhuma veya kulwani, Jowabhi a to teka dibutho da yimbi, eya xasela ditiko da vanana va ka Amoni, se va to ta randela Rabha; kambe Dhavhidha a to sala kona Jerusalema; se Jowabhi a to xasela Rabha e mkhundumusa.

Isaya 42:8

Ani ngani Mkoma; adiya ditina dangu; wudhumo wangu koko, kha ni na mbi ninga mmwani, hambi kudhumiswa kwangu, kha ni na mbi kuningela ka sithombe so vatwa.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Isaya 8:9

Mahani diguwa da kulwa, anu matiko, mi na funyeletelwa; riyani tinzeve motshenu va matiko a kule, tsanani, mi na phatulelwa, tsanani, mi na phatulelwa.

Mavingu 20:18

Otshe makungo ma tsaniswa ngu wusungukati; kambe yimbi yi tsimbitiswa ngu wusungukati wa wutxhari.

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.

Masalmo 27:14

Themba Mkoma! Tsanisa, u nga thave txilo, themba Mkoma!

2 Makronika 25:11

Amaziya a to tsana msana e thangela vathu vakwe, veya mkovani ka Mnyu; veya xasela 10.000 wa vanana va ka Seyiri.

2 Makronika 25:8

Ngako u txo tsula, hambi u txo va ni mtamo, Txizimu txi na kuwisa masoni ka valala vako, nguko Txizimu txi ni mtamo wo vhuna ni wa kuwisa.

2 Vafumeli 6:12

Se mmweyo wa sithumi sakwe a to khene: Ku walo ni wammweyo, awe mfumeli, nyamne wangu. Aniko mprofeti Elixa a manekako Israyeli, ngene a zivisako ka mfumeli wa ka Israyeli, totshe ti u bhulako na u di nyumbani mu u otelako kona.

1 Vafumeli 22:8

Sekoko Akabe i ku mfumeli wa Israyeli a to khene ka Josafati: A nga diho wamwamna waku a nga hi wotisela ka Mkoma; aniko ani na mnyenya nguko kha zivi ku nga profeta ta tinene ngu ngani, ndo biha dwe; i Mikaya, mwana Inila. A to khene kha Josafati: U nga wombise eto awe mfumeli.

1 Vafumeli 20:38

Sekoko mprofeti a to tsula eya ema masoni ka mfumeli, hanzila, a di ti xwayete dikhuma khoheni kwakwe.

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

1 Vafumeli 20:21

Se mfumeli wa Israyeli a to huma e dayela mahantxhi ni sikotxikani sa kona; e daya Vasiriya ngu nzila yo thisa.