1 Vafumeli 20:16 - Bhiblia Yo Sawuleka

¹⁶ Se va to huma ngu hagari ka mitshikari. Bheni-Hadhadhe a ti ko sela e leva matendani mule, ene ni vamwani vafumeli, magumi mararu a vafumeli ni vambidi, va nga ti m'vhuna.

1 Vafumeli 20:16 Referans Kwoze

Hoseya 4:11

Kha mbi ti ñola, ni vhinya, ni wusuke si thavisa mapimo.

Isaya 54:15

Wona taku va nata sengeletana, aniko i si nga ngu ngani; avale va no patana ve kuwukela, va nawa ngu lirando lako.

1 Vafumeli 16:9

Se txithumi txa kona Ziniri, mthangeli wa hafu ya sikotxikani, a to m'wukela na a di Tiriza. A txi sela ni kuleva m'tini ka Arisa, mxayisi wa nyumba ya wukoma kona Tiriza.

1 Vafumeli 16:7

Ngu kumaha keto, di tile kambe dipswi da Mkoma, ngu ka mprofeti Jehu, mwana Hanani, do wukela Bhahasa ni nyumba yakwe; se totsheto ngu mhaka ya wubihi wule a nga wu maha masoni ka Mkoma, a txi m'henyisa ngu simaho sa manza akwe, nga tile ti nga maheka ka nyumba ya Jerobhowamu; se ngu mhaka yeto, a va pekile.

1 Vafumeli 20:15

Sekoko a to bala majaha a vathangeli va matiko, i ti 232; se msana kwawe a to bala votshe vathu, e mana 7.000 wa vanana va ka Israyeli.

1 Vafumeli 20:17

Se majaha ale a vathangeli va matiko va to khata vona ve khukha. Bheni-Hadhadhe a to ruma sinyengwani, ku ta mtxharihisa va txi ta kha vona: Ku khukhile vavamna vokari ngu Samariya.

1 Vafumeli 22:31

Se mfumeli wa Siriya a to gela vathangeli va sikotxikani, va magumi mararu ni vambidi, ku khene: Mi nga lweni ni vanana, hambi vahombe, lwanani ni mfumeli wa ka Israyeli dwe.

Mavingu 20:1

Vhinya mtseketseli, ni wusuke wu vangisa diguwa; ni wihi wule a ti ningetetelako ka wona, kha na mbi maha wo txhariha.

Amosi 6:7

Ngu koneho, konkuwa, mi na ya wukhumbini, ku va vo khata va ku na maha tikhumbi, se mi na gwita ni mibuso ya mipipi.

Isaya 5:22

Dikhombo ka vale i ku tindena kuselani ka vhinya, ni vathu va va ku ni mtamo kupatelani ka wusuke wo bava ngutu.