1 Vafumeli 20:11 - Bhiblia Yo Sawuleka

¹¹ Sekoko mfumeli wa Israyeli a to xamula, a txi khene: M'geleni ku khanu: Kha ti guleti awule a ku nga txi xoma kufana ni wule a nga xula.

1 Vafumeli 20:11 Referans Kwoze

Mavingu 27:1

U nga ti thembisele ngu ditshiku da mangwana, nguko khu ti zivi ati di no kuninga ditshiku da mangwana.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Matewu 26:75

Sekoko, Pedro a to alakanya mapswi a Jesu, a nga khene: “Wu sinzi kuemba mkuku, u na ni lamba kararu.” Msana keto, a to huma hahanze e dila ngu kupandiseka.

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Jeremiya 46:17

Va to peka huwa konaho: Faro, mfumeli wa Egipta, diguwa da walo; “a tshotshile walo mbimo.”

2 Vafumeli 3:21

Mbimo yile votshe vathu va Mowabhi va nga pfa to kha vona votshe vafumeli va kwelete ku yalwa navo, va to dhana votshe vale va ngadi sungile tibhande ve kwelela, veya zingela ngu mihinganoni.

Jobe 41:8

Hi nga sanzeka dianza dako txitimwi ka ngwenya, se alakanya taku, khu na mbi duketa kambe to nga eto.