1 Vafumeli 2:9 - Bhiblia Yo Sawuleka

⁹ Se konkuwa u nga mmahe wo mbi na mnandu, nguko u m'thu u zivako, u na tiziva ati u no mmahela, kasi ku na za wunvi wakwe wu txi na reletwa diphalani ni mnoha.

1 Vafumeli 2:9 Referans Kwoze

1 Vafumeli 2:6

Maha, nga ti u ti zivisako tona, u nga tumeli ti taku wunvi wakwe wu txi tshotshwa dithithani ngu kuthutha.

Genesisi 44:31

se ngako kambe a txi wona ti to mfana kha hi nga nayo, a na fa, se athu sithumi sako hi nava hi di reletisile, ngu kupandiseka, tinvi ta msungo wa txithumi txako, tate wathu, diphalani ka vafi, a di ni txiviti.

Genesisi 42:38

Kambe ene a to khene: “Mwanana wangu kha na mbi tsula ni nanu, nguko mwanawe a fite, se ku to sala ene ekha dwe. Ngako a txi manwa ngu phango emo mi no tsimbilela kona, mi na ni releta diphalani ni tinvi tangu.”

Jobe 9:28

Na thava kupanda kwangu, nguko na tiziva to khu na mbi ni maha wo mbi na mnandu.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

1 Vafumeli 3:12

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Eksodha 22:28

U nga ruketele valamuli, kambe u nga ruketele vathangeli va vathu vako, u nga va ruketele.

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

2 Samuwele 16:5

Se mbimo yile Dhavhidha a nga hoka Bhawurimi, ku to huma wamwamna wa lixaka la va ka Sawule, awule a nga ti dhanwa ku i Simeyi, mwana Gera; se a to ta a txi ruketela.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Eksodha 22:27

nguko adileya didhamba dakwe ni txyambalo txo sisa mmidi wakwe; se a na fenengela txani kani? Ngako a txi dila kwangu, ani ni na mu engisa, nguko ni wa wumbilu.

2 Samuwele 3:39

Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.