1 Vafumeli 2:7 - Bhiblia Yo Sawuleka

⁷ Sekoko, kumweko ni vanana va Bharzilayi, m'gileyadhi, u na va katekisa, va na maneka hagari ka va u dyako navo, nguko va ni tshuketete mbimo yi ni nga ti thava mwananu Absalome.

1 Vafumeli 2:7 Referans Kwoze

2 Samuwele 9:7

Se Dhavhidha a to khene kwakwe: U nga thave, nguko ni lava ku ku mahela wuxinji ngu mhaka ya kuranda Jonatani, tate wako. Kambe ni na kutshumetela otshe mapulo a tate wako Sawule, awe u na dyela mezani kwangu masiku otshe.

2 Samuwele 9:10

U na m'dhimela thembwe koko, awe ni vanana vako, ni sithumi sako, kambe u na tisa mihando ya kona, kasi ku mwanana wa nyamne wako a na mana sakudya; se Mefibhosete, mwanana wa nyamne wako a na dyela mezani kwangu otshe masiku. Zibha a ti ti ni digumi da vanana ni mtxhanu, ni magumi mambidi a sithumi.

Luka 12:37

Si katekile sithumi sile, nyamne wa sona, mbimo yi a bwakako a nota si mana si txi wonelela. Kha ditshuri na mi gela, ene a nata sunga dithawula txiwununi, a txi va khalahatshisa ha mezani, a txi tsimbila ngu ka mmweyo ni mmweyo, a txi va phamela sakudya.

Mavingu 27:10

U nga leke mngana wako, hambi mngana wa tate wako, kambe u nga wulele nyumbani ka mwananu ngu ditshiku da mazunga.

2 Samuwele 19:28

Nguko yotshe nyumba ya tate wangu nja vathu vo fanelwa ngu kufa, masoni ka mfumeli nyamne wangu; hambi keto, u vekile txithumi txako hagari ka vale vadyako mezani kwako; I txani kambe ni nga txi dilelako ka mfumeli kani?

Genesisi 40:14

Kambe ni alakanye, ngako u txi humelela ngu nzila ya yinene; siza u txi ni mahela wuxinji, u ni kombelela ka Faro, kasiku e ni humisa ka yiya nyumba;

Ezra 2:61

Se vanana va vaphaxeli ngu vava: Vanana va Habhaya, vanana va Kozi, vanana va Bharzilayi, a nga teka msikati hagari ka vanana va Bhazilayi wa Gileyadhi, wamsikati a to dhanwa ngu ditina da wukati kwakwe.

Jeremiya 52:33

Se e mthavisa syambalo sa mkorani, se Jehoyakimi a dyite kumweko nayo sakudya, ka masiku otshe a kuhanya kwakwe.

2 Vafumeli 25:29

A to mthavisa syambalo sa mkorani, Jowakimu a to simama edya kumweko ni mfumeli ka otshe masiku a kuhanya kwakwe.

2 Vafumeli 25:30

Se sa kuhanya ngu sona, a to ningwa ngu mfumeli, mpimo wa ditshiku, ka ditshiku da wona, ka otshe masiku a kuhanya kwakwe.