1 Vafumeli 2:5 - Bhiblia Yo Sawuleka

⁵ Kambe awe wa tiziva ti a nga ni mahela Jowabhi, mwana Zeriya, ni ti a nga maha ka vathangeli vambidi va tiyimbi ta Israyeli, ka Abhineri, mwana Neri, ni ka Amasa, mwana Jeteri, ava a nga va daya, amu kuthuthani a theketile mnoha wa yimbi, e totela mnoha ka libhandi li a nga ti ti nalo txiwununi kwakwe, ni mu ka tikathula ti a nga ti ambate mikondoni kwakwe.

1 Vafumeli 2:5 Referans Kwoze

2 Samuwele 3:27

A di hokile koko, Abhineri kona Hebroni, Jowabhi a to m'dhana ngu txihunja ha txikeni, nga o lava kuya mlengela to kari, se eya m'daya koneho ngu ha ka limbavhu la wutxhanu, a txi fa ngu mhaka ya mnoha wa Asayeli, mwanawe.

2 Samuwele 20:10

Se Amasa kha wonisisa ditxhari di di nga ti ti manzani ka Jowabhi, aho kuza Jowabhi e thola Amasa ka limbavhu la wutxhanu, se masembe me kubuka hahatshi; kambe kha mthola ka wumbidi, se Amasa a to fa; sekoko Jowabhi ni mwanawe Abhixayi va to londeta Sebha, mwana Bhikiri.

2 Samuwele 18:12

Kambe m'thu wule a to khene ka Jowabhi: Hambi i ti ku no amukela 1.000 wa timale ta silivhela manzani kwangu, nga ni si guleti dianza dangu ni wukela mwanana wa mfumeli, nguko hi pfite taku mfumeli a ku ningile sileleto awe ni Abhixayi, ni Itayi, a txi khene: Mmwani ni mmwani kwanu a na xayise mfana wuwa, Abhisalome.

2 Samuwele 18:5

Se mfumeli a to ninga sileleto ka Jowabhi ni ka Abhixayi, ni ka Itayi, a txi khene: Ni xayiseleni kha kwati mfana wangu Abhisalome. Se votshe vathu va to pfa totshe ti mfumeli a nga leletela vathangeli va yimbi, madingano ni Abhisalome.

2 Samuwele 18:14

Sekoko Jowabhi a to khene: Kha ni na mbi swela ni nawe hawa. Se a to teka matxhari mararu e thola mbilu ya Abhisalome, a txi ngadi a txi hanya hagari ka mkusu.

2 Samuwele 3:39

Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

Jeremiya 2:34

Mirungoni ka txyambalo txako kumaneka mnoha wa sisiwana asi si singako ni mnandu, ava u nga mba va mana va txi dhoda nyumba yako. Aniko u va date, nguko u dhunda ta ku nga toneto.

1 Vafumeli 2:32

Ngu toneto, Mkoma a na maha ti to mnoha wakwe wu txi wa ha msungo kwakwe ene nyamne, nguko a date vavamna vambidi vo lulama, kambe vavanene ngutu kupinda ene, a nga va daya ngu ditxhari, asi ti zivi tate wangu Dhavhidha, i ku vava: “Abhineri, mwana Neri, mthangeli wa yimbi ya ka Israyeli, ni Amasa, mwana Jeteri, mthangeli wa yimbi ya ka Judha.”

1 Vafumeli 1:7

Adhoniya a ti ni txithavo ka Jowabhi, mwana Zeruiya, ni ka Abhiyatari mphaxeli, ava va nga m'vhunetela.

2 Samuwele 17:25

Se Abhisalome a to veka Amasa kuva mthangela wa wugovelo ka wukhalo wa Jowabhi. Kambe Amasa i ti ti mwanana wa wamwana wule ditina dakwe i nga ti ti Itra, Muisrayeli, awule a nga ti tekani ni Abhigayeli, mwana Nahasi, mwanawe wa Zeruiya, mame wa Jowabhi.

2 Samuwele 2:18

Ku ti ti ni vanana vararu va Zeruiya koneyo, i ku Jowabhi, ni Abhixayi, ni Asayeli; se Asayeli a ti ti ni livilo ngutu kufana ni timhoti to zumba txitingani.

Matewu 3:4

Ene Johani a ti ambate tinguwo to mahwa ngu madhowo a makamelu, e sunga libhande la didhowo txiwununi. Sakudya sakwe i ti humbi ni wulombe wa txitinga.

2 Samuwele 2:13

Ku to khukha kambe Jowabhi mwana Zeruiya, ni sithumi sa Dhavhidha, veya tshangana navo hafuhi ni txisima txa Gibheyoni, kambe avava va to ya ema ngu didhawa da khenu ka txisima, se vamwani ngu didhawa da kheya ka txisima.

Dhewuteronome 27:24

“Dikhombo di nave ka wule a dayako muakelani wakwe kusisalani!” Vathu votshe va na womba va txi kha vona: “Amen!”