1 Vafumeli 2:44 - Bhiblia Yo Sawuleka

⁴⁴ Mfumeli a to khene kambe ka Simeyi: “Awe ngu mbilu yako wa wu ziva wubihi wu u nga wu maha ka Dhavhidha, tate wangu; ngu mhaka yeto, Mkoma a wuyisile wubihi ha msungo kwako.

1 Vafumeli 2:44 Referans Kwoze

Ezekhiyele 17:19

Ngu kumaha keto, Mkoma Txizimu a khene: Na hanya ani, txixambanyo txangu atxi u nga txi eyisa, ni txitumelelano txangu u nga txi funya, si na wa ha msungo kwako.

Masalmo 7:16

Wubihi wakwe ni tshofu yakwe si na wele txitimwi ka msungo wakwe.

1 Samuwele 25:39

Se mbimo yile Dhavhidha a nga pfa ti to Nabhali a fite, a to khene: Ku na bongwe Mkoma a nga vhikela dianza da txithumi txakwe kumaha wubihi ka Nabhali, a tsivete txithumi txakwe ka wubihi, kambe Mkoma a mahile ti to wubihi wa Nabhali wu tshumelela txitimwi ka msungo wakwe. Se Dhavhidha a to ruma vathu ka Abhigayeli kuya mteka ti to e maha msikati wakwe.

1 Johani 3:20

Ngako yona mbilu yathu yi txi hi mangala, Txizimu nja hombe kupinda timbilu tathu, kambe Txizimu txa ziva totshe.

Varoma 2:15

Va kombisa ti to mthumo wu wu lawako ngu mlayo wu bhatwe timbiluni kwawe; livhalo lawe ngu yona fakazi yawe; ni mapimo awe ma va kawuka mwendo ku va emela.

Johani 8:9

Konaho, va di engisile mhaka yiya, va to khata kupfhuka, mmweyo ngu mmweyo, kukhata ngu vale va hombe. Se a to sala ekha awule wamsikati, a nga ti zumbile hagari.

Hoseya 4:9

Ngu toneto, nga ti vaku ngu tona vathu vangu, mphaxeli nene a nga toneto; ni na va tsayisa ngu mhaka ya mahanyelo awe, ni ku vaninga hakela ya mithumo yawe.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

1 Vafumeli 2:43

“U tandekisile kutxani kuxayisa txixambanyo txa Mkoma, hambi ti ni nga kulaya tona kani?”

2 Vafumeli 11:1

Mbimo yile koko Ataliya, mwamwa Akaziya, a nga wona to mwanana wakwe a datwe, a to wuka e lovisa lihunzu la mfumeli.

2 Vafumeli 11:12

Se Joyadha a to humisa Jowasi, mwanana wa mfumeli, e msanzeka m'bhoti, ni dibhuku da milayo, va to mfumisa, ve mtota, va txi bhabhwatela manza, na va txi kha vona: A na hanye mfumeli!

Masalmo 109:20

Mkoma a na tsayise nga toneto valala vangu, ni vale va wombawombako kubiha ngu ngani!