1 Vafumeli 2:4 - Bhiblia Yo Sawuleka

⁴ Kasiku, Mkoma a na tsanisa dipswi di a ngadi womba kwangu, a txi khene: “Ngako vanana vako va txi xayisa nzila yawe, ve tsimbila ngu kuthembeka masoni kwangu, ngu mbilu yawe yotshe ni muhefemulo wawe wotshe, kha ni khali kuwomba to ku na pwateka wo tsiveta ka Israyeli.”

1 Vafumeli 2:4 Referans Kwoze

2 Vafumeli 20:3

Awe Mkoma! Alakanya taku ni tsimbite ditshurini, ngu mbilu yo thembeka, ni mahile to lulama masoni kwako, se a to dila ngutu Ezekhiya.

1 Vafumeli 8:25

Konkuwa koko, awe Mkoma, Txizimu txa Israyeli, maha ka txithumi txako, i ku tate wangu Dhavhidha, a ti u mga m'gela u txi khawe: Khu na mbi pwata kuhumelela masoni kwangu, khalahatsha ka txitulu txa wukoma txa ka Israyeli; aniko vanana vako va na xayise nzila yako, kasi kuve tsimbila masoni kwangu, nga ti awe u nga tsimbilisa tona masoni kwangu.

2 Samuwele 7:25

Konkuwa koko, awe Mkoma Txizimu, dipswi diya u ngadi womba ngu mhaka ya txithumi txako ni ngu mhaka ya nyumba ya txona, di tsanise kala kupinduka, u maha madingano ni ti u nga wombisa tona.

Matewu 22:37

Jesu a nje khene kwakwe: “ ‘Randa Mkoma Txizimu txako, ngu yotshe mbilu yako, ngu wotshe moya wako ni otshe mapimo ako.’

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Zakariya 14:2

Nguko ani ni na tshanganisa otshe matiko, me wukela Jerusalema, se didhoropa di na tekwa, tinyumba ti na handwa, vavasikati va na gimwa; hafu ya vathu va didhoropa yi na huma yi yiswa wukhumbini, aniko miboti ya vathu kha yi na mbi tutumiswa didhoropani.

Masalmo 37:22

Avale Mkoma a nga va katekisa va na mana mafu, aniko avale a nga va singitela va na fuviswa.

Masalmo 37:9

Sigevenga si na loviswa, aniko avale va thembako Mkoma va na mana thomba ya mafu.

2 Makronika 17:3

Mkoma a di ni Josafati, nguko a ti ti tsimbila ngu tinzila ta tate wakwe Dhavhidha, a kha khozela va ka bhahali.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

2 Vafumeli 23:25

A sanzi kufuma Josiya, kha nga maneka mfumeli wo fana nayo, wo hundulukela ka Mkoma ngu yotshe mbilu yakwe, ni muhefemulo wakwe wotshe, ni mtamo wakwe wotshe, madingano ni wotshe Mlayo wa Mosi; ni msana kwakwe, kha ka nga maneka mmwani wo fana nayo.

2 Vafumeli 23:3

Se mfumeli a to ema hafuhi ni phande, e maha txitumelelano masoni ka Mkoma, txa ku na tsimbila kumweko ni Mkoma, ni kuvekisa sirumo sakwe, ni wufakazi wakwe, ni sileleto sakwe, ngu yotshe mbilu, ni wotshe muhefemulo, ngu kutsanisa mapswi a txitumelelano txiya, ma nga ti bhatwe ka dibhuku dile; se votshe vathu va txi emete txitumelelano txiya.

1 Vafumeli 9:5

ngu kona koko, ni no tsanisa txitulu txako txa wukoma txitimwi ka Israyeli ngu ha ku si gwitiko, nga ha ni nga womba ka tate wako Dhavhidha ni txi khani: Khu na mbi pwata dijaha txitimwi ka txitulu txa wukoma wa Israyeli.

1 Vafumeli 8:23

a txi khene: O Mkoma, Txizimu txa ka Israyeli, kha ku nga ni Txizimu txo ngawe, txitimwi nzumani, hambi hahatshi ha mafuni, u xayisako txitumelelano ni wunene, ka sithumi sako si tsimbilako ngu mbilu yawe yotshe masoni kwako;

1 Vafumeli 3:14

Se, ngako u txi tsimbila ngu tinzila tangu, u txi vekisa milayo yangu ni sirumo sangu, nga ti a nga tsimbilisa tona Dhavhidha, tate wako, kambe ni na laphisa masiku ako.

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

Dhewuteronome 11:13

Se ku na maheka taku, ngako ngu ditshuri mi txi vekisa sirumo siya nyamsi ni mi leletako, mi txi randa Mkoma, Txizimu txanu, ni ku mkhozela, ngu yotshe mbilu yanu, ni wotshe moya wanu,

Dhewuteronome 10:12

“Konkuwa koko, awe Israyeli, Mkoma, Txizimu txako, a kombela txani kwako, i si nga ti to u thava Mkoma, Txizimu txako, ni ti to u londeta totshe tinzila takwe, u mranda, ni ku mthumela Mkoma, Txizimu txako, ngu yotshe mbilu yako ni wotshe moya wako,

Dhewuteronome 7:12

Ngako u txi engisa, u txi si vekisa sileleto siya, Mkoma, Txizimu txako, nene a na xayisa txitumelelano ni lirando, ali ene a nga xambanya ka vatate vako;

Dhewuteronome 6:5

Ngu toneto, u na randa Mkoma, Txizimu txako, ngu yotshe mbilu yako, ngu wotshe moya wako, ni wotshe mtamo wako.

Levhi 26:3

Ngako mi txi londeta sileleto sangu, mi veketa milayo yangu, ni ku yi maha,

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

2 Makronika 6:16

Konkuwa koko, awe Mkoma, Txizimu txa Israyeli, maha ka txithumi txako Dhavhidha tate wangu, a ti u nga mthembisa u txi khawe: Kha ku na mbi pwateka dijaha masoni kwangu, a di di no khalahatsha ka txikhalo txa wukoma txa ka Israyeli; aniko vanana vako va na xayise nzila yako, ve tsimbila ka mlayo wangu, nga ti awe u nga tsimbilisa tona masoni kwangu.

2 Makronika 7:18

ngu kona ni no tsanisa txikhalo txako txa wukoma, madigano ni txitumelelano a txi ni nga maha ni tate wako Dhavhidha, ni txi khani: Khu na mbi pwata dijaha do fumela Israyeli.

Masalmo 39:1

Ani ni to khani: Ni na xayisa tinzila tangu, kasi ku ni si onhi ngu lidimi langu; ni na xayisa txisofu txangu ngu matomu mbimo yile m'bihi a ku masoni kwangu.

Masalmo 119:9

Di na sikotisa kutxani dijaha kululamisa nzila ya wutomi wa dona kani? Ngu kuva di txi xayisa sileleto sako!

Jeremiya 33:17

Nguko Mkoma a khene: Dhavhidha kha na mba dhuka e pwata m'thu a zumbako ha txikhaloni ka wukoma ka nyumba ya Israyeli;

1 Vafumeli 1:48

Se mfumeli a to womba kambe, a txi khene: “A na bongwe Mkoma, Txizimu txa ka Israyeli, nguko nyamsi a hi ningile wu a khalahatshako txikhaloni kwangu ka wukoma, niku maso angu ma nga ti wona.”

1 Vafumeli 6:12

Kasi ngu mhaka ya nyumba yi u nga yi aka, u txi tsimbila ngu sileleto sangu, u txi maha wululamo wangu, ni kuveketa sirumo sangu, u tsimbila ka sona, ni na tsanisa ni nawe dipswi dangu, adi ni ngadi womba ka Dhavhidha, tate wako;

1 Vafumeli 11:36

Se mwanana wakwe ni na mninga lihunzu limwelo, kasiku txithumi txangu Dhavhidha a na va ni dilambu masoni kwangu kona Jerusalema, didhoropa di ni ngadi sawula kasi kuveka kona ditina dangu.