1 Vafumeli 2:32 - Bhiblia Yo Sawuleka

³² Ngu toneto, Mkoma a na maha ti to mnoha wakwe wu txi wa ha msungo kwakwe ene nyamne, nguko a date vavamna vambidi vo lulama, kambe vavanene ngutu kupinda ene, a nga va daya ngu ditxhari, asi ti zivi tate wangu Dhavhidha, i ku vava: “Abhineri, mwana Neri, mthangeli wa yimbi ya ka Israyeli, ni Amasa, mwana Jeteri, mthangeli wa yimbi ya ka Judha.”

1 Vafumeli 2:32 Referans Kwoze

Valamuli 9:24

atiya ti humelete kasi ku txi photelwa wugevenga wule wu nga mahwa, wo daya mtxhanu wa magumi ni magumi mambidi a vanana va Jerubhahali, ni ti to mnoha wawe wu txi wa txitimwi ka Abhimeleki mwanawe, awule a nga va daya, kumweko ni vavamna va Sikemi, avale va nga mkujetela kudaya vanawe.

Masalmo 7:16

Wubihi wakwe ni tshofu yakwe si na wele txitimwi ka msungo wakwe.

2 Makronika 21:13

kambe u tsimbila ngu tinzila ta vafumeli va Israyeli, u mahile ti to va ka Judha ni vahanyi va Jerusalema va txi onha, ve londeta wubihi kufana ni va nyumba ya ka Akabe; kambe u date ni vananu, va nyumba ya tate wako, ava i nga ti ti vavanene kupinda awe.

Valamuli 9:57

Txizimu txi to tshumetela kambe wubihi wotshe txitimwi ka misungo ya vavamna va Sikemi; ni txiruko txa Jothamu, mwana Jorobhahali, txi to wela txitimwi kwawe.

1 Vafumeli 2:5

Kambe awe wa tiziva ti a nga ni mahela Jowabhi, mwana Zeriya, ni ti a nga maha ka vathangeli vambidi va tiyimbi ta Israyeli, ka Abhineri, mwana Neri, ni ka Amasa, mwana Jeteri, ava a nga va daya, amu kuthuthani a theketile mnoha wa yimbi, e totela mnoha ka libhandi li a nga ti ti nalo txiwununi kwakwe, ni mu ka tikathula ti a nga ti ambate mikondoni kwakwe.

Esteri 1:19

Ngako mfumeli a txi ti tsakela, ku na hume txileleto txa mfumo ngu kwakwe, txi bhalwa ka milayo ya Vapersa ni ya Vamedhi, kambe ku nga txitxwe ti to Vhasta asi swi kambe e veka mkondo wakwe masoni ka mfumeli Asuwero, aniko mfumeli a na ningele mfumo wa Vhasta, ka wamsikati wule a no va wa txhuko kupinda Vhasta.

1 Vafumeli 2:44

Mfumeli a to khene kambe ka Simeyi: “Awe ngu mbilu yako wa wu ziva wubihi wu u nga wu maha ka Dhavhidha, tate wangu; ngu mhaka yeto, Mkoma a wuyisile wubihi ha msungo kwako.

2 Samuwele 17:25

Se Abhisalome a to veka Amasa kuva mthangela wa wugovelo ka wukhalo wa Jowabhi. Kambe Amasa i ti ti mwanana wa wamwana wule ditina dakwe i nga ti ti Itra, Muisrayeli, awule a nga ti tekani ni Abhigayeli, mwana Nahasi, mwanawe wa Zeruiya, mame wa Jowabhi.

2 Samuwele 4:11

se ti na txani ka vabihi vale va nga daya m'thu wo lulama a di ti otelete nyumbani kwakwe ha mbhedhuni; ina koko kha ni na mbi lava mnoha wakwe manzani kwanu, ni mi fuvisa ha mafuni kani?

2 Samuwele 3:37

Se votshe vathu ni votshe va ka Israyeli va to pfisisa, ka dona ditshiku dile tito, kha ta ta ngu ka mfumeli ku e dawa Abhineri, mwana Neri.

1 Samuwele 15:28

Sekoko Samuwele a to m'gela ku khene: Nyamsi Mkoma a vharute mfumo wa ka Israyeli manzani kwako, se wu ningela ka mwakelani wako, wa tshuko kupinda awe.

Genesisi 4:11

Se konkuwa, u ruketetwe ha mafuni, aale ma nga asama txisofu txa ona, kasi kusela ngu manzani kwako, mnoha wa mnanda wako.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Genesisi 42:22

Se Rubheni a to va xamula a txi khene: “Kha na mi gela ti to mi nga maheni kubiha ka mnanda wathu, kani? Aniko anu kha ma ni engisa; se wonani, mnoha wakwe wa vilelwa.”

2 Samuwele 1:16

Se Dhavhidha a to khene ka muamaleki: Mnoha wako u nave txitimwi ka msungo wako, nguko txisofu txako txi pune txi ku mangalete, txi txi kha txona: Ani ni date wule wo totwa wa Mkoma.

2 Samuwele 3:39

Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.

2 Makronika 21:14

Ngu toneto, Mkoma a na ku wuyisela wulwati wa hombe ngutu, hagari ka vathu vako, ni ka vanana vako, ni ka vasikati vako ni ka sotshe asi u ku naso.

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

2 Samuwele 3:29

U na zumbe txitimwi ka msungo wa Jowabhi ni ka yotshe nyumba ya tate wakwe, ka nyumba ya Jowabhi ku nga thuke kupwateka ni wammweyo wo lwala ngu mtungu, mwendo wa sigwiri, mwendo wo txheketela ngu ndonga, hambi wo dawa ngu ditxhari mwendo wo pwata sakudya.

1 Vafumeli 8:32

awe koko, engisa u di nzumani, u maha, u lamula sithumi sako, u sunga m'bihi, u mmrweka manandu wakwe ha msungo kwakwe, se u maha ta tinene ka wo lulama, u mmahela madingano ni wululami wakwe.

Masalmo 7:17

Ni na dhumisa Mkoma ngu mhaka ya kululama kwakwe: Ni na embelela ni dhumisa Mkoma Nyatxitimwi.

Ezekhiyele 17:19

Ngu kumaha keto, Mkoma Txizimu a khene: Na hanya ani, txixambanyo txangu atxi u nga txi eyisa, ni txitumelelano txangu u nga txi funya, si na wa ha msungo kwako.