1 Vafumeli 2:3 - Bhiblia Yo Sawuleka

³ Vekisa sileleto sa Mkoma, Txizimu txako, u tsimbila ngu tinzila takwe, ni kuva u txi na vekisa milayo yakwe, ni sirumo sakwe, ni wululamo wakwe, nga kuwa ku nga bhalwa Mlayoni ka Mosi, kasi u txi na humelela ka ni tihi ti u no maha, ni hayi ha u no rendekela kona.

1 Vafumeli 2:3 Referans Kwoze

Dhewuteronome 29:9

Ngu toneto, xayisani mapswi a txitumelelano txiya, mi txi ma vekisa, kasi ku mi na humelela, ka totshe ti mi no ti maha.

Masalmo 119:2

Va katekile avale va xayisako sileleto sakwe, va mlavako ngu yotshe mbilu,

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

Masalmo 119:111

Thomba yangu ya yotshe mbimo ngu sileleto sako, nguko sa tsakisa mbilu yangu.

Malakiya 4:4

Alakanyani Mlayo wa Mosi, txithumi txangu, awu ni nga wu rumela kwakwe kona Horebhi ka votshe va ka Israyeli, awu i ku sileleto ni wulamuli.

Masalmo 119:138

U hi ningile sileleto sako ngu kululama, ni kuthembeka ka hombe.

1 Samuwele 18:14

Se Dhavhidha a to tsimbila ngu kululama ka totshe tinzila takwe, aniko Mkoma a ti ti ni nene.

Joxuwa 22:5

Ti woneleni dwe, mi txi vekisa ngu kukhutala, sirumo sa milayo, ayi Mosi, txithumi txa Mkoma a nga mi ninga, ngu kuranda ka Mkoma, Txizimu txanu, mi txi tsimbila ngu tinzila takwe ka mbimo yotshe, mi xayisa sirumo sakwe, mi txi namarela kwakwe, ni ku mthumela ngu yotshe mbilu yanu ni wotshe moya wanu.”

Masalmo 19:7

Mlayo wa Mkoma mbwo hetiseka, wa ninga kuhanya kakuphya. Sirumo sa Mkoma nzo thembeka; sa ninga wuzivi ka m'thu wo divala.

2 Vafumeli 18:7

Ngu konaho, Mkoma a ti ti ni nene, ni hayi ha a nga txi maneka kona, a txi tsimbila ngu kutiwonela; a to lwisa mfumeli wa Asiriya kha mthumela.

2 Samuwele 8:14

Se a to veka vawoneleli kona Edhomi, ka dotshe ditiko da Edhomi a to veka vawoneleli, se votshe va ka Edhomi va to maha sithumi sa Dhavhidha; se Mkoma a to vhunetela Dhavhidha kotshe mu a nga ti ti ya kona.

2 Samuwele 8:6

Se Dhavhidha a to veka vawoneleli kona Siriya ka Dhamasku, Vasiriya va to maha tikhumbi ta Dhavhidha ni ku mluva; Mkoma a to xayisa Dhavhidha kotshe mu a nga ti ti ya kona.

1 Samuwele 18:30

Se ngako vathangeli va Vafilista va di humile kuya kulwani, ku to maheka taku Dhavhidha a to ya masoni ngu kumaha kululama kupinda sotshe sithumi sa Sawule; ngu kumaha keto, ditina dakwe di ti ti dhundeka ngutu.

1 Samuwele 18:5

Se Dhavhidha a ti ti huma eya kotshe amu Sawule a nga ti ti mruma kona, na a txi tsimbila ngu kululama; aniko Sawule a to m'veka kuva mthangeli wa vathu va yimbi, kambe a ti ti tsakelwa ngu votshe vathu, hambi ngu sithumi sa Sawule.

Dhewuteronome 5:1

Se Mosi a to dhana votshe va ka Israyeli a txi ta va gela ku khene: “Engisa, awe Israyeli, milayo ni sileleto si nyamsi ni huwelelako tinzeveni kwanu. Si gondeni, mi si xayisa ni ku si vekisa.”

Dhewuteronome 4:45

Asiya nzirumo ni milayo ni sileleto si Mosi a nga gela vanana va ka Israyeli, ngako va di humile Egipta.

Dhewuteronome 4:8

Se ngu vahi vahombe va va ku ni sileleto ni milayo, sa ditshuri, so fana ni wotshe mlayo wu ni mi ningako nyamsi kani?

Dhewuteronome 4:5

Wonani ani ni mi gondisile milayo ni sileleto, madingano ni ti Mkoma, Txizimu txangu, a nga ni rumisa tona, ti to mi txi si londeta, amu ka ditiko di mi no wulela ka dona, mi txi di fuma.

Dhewuteronome 4:1

Konkuwa koko awe Israyeli, engisa milayo ni sileleto si ani nyamsi ni mi godisako, kasi ku mi si vekisa, mi mana kuhanya, mi txi wulela, mi fuma ditiko di Mkoma, Txizimu txa vatate vanu, a no mi ninga.

Levhi 8:35

Ngu toneto, zumbani ha txikeni ka ditenda da msengeletano, wusiku ni mitshikari, amu ka mtxhanu wa masiku ni mambidi. Mi fanete kuvekisa sileleto siya sa Txizimu, ngako mi si lavi kufa. Sileleto siya ngu sona ni nga gelwa.

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

Dhewuteronome 29:8

hi khozisile ditiko dawe hi di ningela di maha thomba ya va ka Rubheni, ni va ka Gadhi, ni ka hafu ya nyumba ya ka Manasi.

Joxuwa 23:6

Mahani mtamo, mi txi vekisa ni kuxayisa totshe ti ti nga bhalwa amu dibhukuni ka Mlayo wa Mosi, mi si hambuki, mi txi ya txineneni mwendo txibhabha.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.