1 Vafumeli 2:26 - Bhiblia Yo Sawuleka

²⁶ Se ka Abhiyatari, i ku mphaxeli, a to khene kha mfumeli: “Tsula Anatote i ku tithembweni kwako, nguko u m'thu wo dingana kufa; hambiko, na mbi kudaya nyamsi, nguko u rwate dibhokiso da txitumelelano txa Mkoma Txizimu, masoni ka Dhavhidha, tate wangu, ni ku u xanisekile kumweko ni tate wangu.”

1 Vafumeli 2:26 Referans Kwoze

Joxuwa 21:18

ni Anatote ni wudyiselo wa kona, ni Almoni ni wudyiselo wa kona: I mune wa madhoropa.

Matewu 10:42

Ani wule a ningako ka mmweyo wa vale vavadotho, hambi i di muhindo wumwewo wa mati o titila, ngu mhaka ya kuva i di mgondiswa wangu, kha ditshuri na mi gela ti to kha na mbi luzekelwa ngu ditshungulo dakwe.”

Jeremiya 1:1

Dipswi da Jeremiya, mwana Hilikiya, mmweyo wa vaphaxeli va nga ti ti Anatote, ditikoni ka Bhenjamini.

1 Samuwele 26:16

Hi nga ta tinene eto u nga maha; ni xambanya ngu Mkoma a hanyako, anu mi fanela kufa, anu mi nga mbi wonelela nyamne wanu, wule a nga totwa wa Mkoma; wonani koko, konkuwa taku, aha wu ku kona mseve wa mfumeli ni ngoto ya mati, sile si nga ti misungoni kwakwe.

Vagalatiya 3:4

Ati ta hombe ti nga mi humelela ti nga va i di ta walo kani? Tona kha ta nga va ta walo!

Luka 22:28

Anu mi vathu va va nga timisela kumweko ni nani ka sotshe siduko sangu.

Isaya 10:30

Kwangula ngutu, awe mwanana wa muhorana wa Galimi, engisa awe Layisi, O awe, txisiwana Anatote!

1 Vafumeli 2:35

Se mfumeli a to veka Bhenaya, mwana Joyadha, ka wukhalo wule wo thangela tiyimbi, se Zadhoki, mphaxeli, a to vekwa wukhaloni ka Abhiyatari.

1 Vafumeli 1:25

Nguko nyamsi a relete, a date tihomu ta mikati, ni marole o nona, ni tinvuta tatingi, a rambile votshe vanana va mfumeli, ni vathangeli va yimbi, ni Abhiyatari, mphaxeli ndivale vadya ni kusela masoni kwakwe: Na va txi kha vona: “Hanya mfumeli Adhoniya!”

1 Vafumeli 1:7

Adhoniya a ti ni txithavo ka Jowabhi, mwana Zeruiya, ni ka Abhiyatari mphaxeli, ava va nga m'vhunetela.

2 Samuwele 12:5

Sekoko kuhenya ka Dhavhidha ku to vhutuka ngutu kuwukela wamwamna wule, se a txi khene ka Nathani: Ni xambanya ngu Mkoma a hanyako, m'thu wu a nga maha eto a fanela kufa.

1 Samuwele 2:32

Se wu na wona kuxaniseka ka Nyumba ya Txizimu, ka wukhalo wa totshe ta tinene tile ni no mahela Israyeli; kambe kha ku na mbi va ni txikosana ni txa tximwetxo nyumbani kwako, ka masiku otshe.