1 Vafumeli 2:23 - Bhiblia Yo Sawuleka

²³ Se mfumeli Solomoni a to xambanya ngu Mkoma, a txi khene: “Txi na ni mahe toneto Txizimu, ni kupinda, ngako Adhoniya a sa womba toneto ngu wutomi wakwe.

1 Vafumeli 2:23 Referans Kwoze

Rute 1:17

Ni hayi u no fela kona, ni na fela konaho nani, kambe ni na tshotshwa konaho; Mkoma a na ni rumele txitsayiso, ngako ni txi tumela kuhambaniswa ni nawe, ngako ni txi hambana ni nawe ngu yimwani mhaka, na i si nga ngu lifo.

Masalmo 140:9

Se va txi guleta misungo vale va ni randelako yi na welwe ngu wubihi wule va wu wombako ngu sisofu sawe.

Masalmo 64:8

va na wiswa tingana ngu mapswi awe mapune se avale va no va wona va na va tseketsela.

Luka 19:22

Aniko ene a ti khene kwakwe: ‘Txithumi txo biha, ni ku abanisa ngu kuwomba kwako. U ti zivile ti to ni m'thu wa tshofu, ni teka txi ni nga mbi txi veka, ni elula txi ni nga mbi txi phaya.

Ekleziyaste 10:12

Mapswi a txisofu txa txhari ma tsakisa, aniko txisofu txa txiphukuphuku txa txi haxula.

2 Vafumeli 6:31

Se mfumeli a to peka huwa na a txi khene: Txizimu txi na ni daye, ngako di txiza diswa ni si se wila msungo wa Elixa, mwana Sefate!

1 Vafumeli 20:10

Se Bheni-Hadhadhe a to va rumela kwakwe, kuya womba tiya: Si na mahe kuranda ngu ngani sizimu, ati to lithulu la votshe vathu va Samariya, kha li na mbi tata manza a vathu vale va ni londisako.

2 Samuwele 19:13

Se ka Amasa, mi na khanu: Ina hi ngawe dirambu dangu ni nyama yangu kani? Txizimu txi na ni mahele ni tihi, ngako u si mahi mthangeli wa wugovelo masoni kwangu yotshe mbimo, ka wukhalo wa Jowabhi.

2 Samuwele 3:35

Sekoko vathu votshe va to ya khongotela Dhavhidha ku a txi dya sakudya, i di ngadi mitshikari, kambe Dhavhidha a to xambanya, a txi khene: Txizimu txi na mahe ni kuengeta kwangu, ngako ni txo thuka ni dya sakudya kumbe tximwani txokari, na ditambo di sanzi kuswa.

2 Samuwele 3:9

Ngu kumaha keto Txizimu txi na mahe ka Abhineri ni ka vamwani, nga tile Mkoma a nga xambanya ka Dhavhidha, ni na mmahisa toneto,

1 Samuwele 14:44

Sekoko Sawule a to khene: Txizimu txi na mahe toneto ni kuengetela, nguko kha ditshuri u na fa, Jonatani.

Mavingu 20:2

Kuthisa ka mfumeli kufana ni kubhonga ka ngonyamo; awule a mwuselako kuhenya, o lwisa muhefemulo wakwe apune.

1 Vafumeli 19:2

Sekoko Jezabheli a to ruma mtumi ka Elija, kuya khene: Si na ni tsayise ngutu sizimu ngako kala ka mbimo yo nga yona yiya, ni si ku dayi nga ti u nga va dayisa tona.