1 Vafumeli 2:2 - Bhiblia Yo Sawuleka

² “Ani na tsula ngu nzila ya votshe ha mafuni; tsana, u maha wamwamna.”

1 Vafumeli 2:2 Referans Kwoze

Joxuwa 23:14

Wonani, ani ni tsimbila ngu nzila ya votshe vathu ha mafuni. Anu ma tiziva ngu yotshe mbilu yanu ni wotshe moya wanu tito, ka sithembiso sotshe sa sinene, si Mkoma, Txizimu txanu, a nga mi mahela anu, kuwalo ni txa tximwetxo txi nga mbi maheka, sotshe si mahekile kwanu, kuwalo ni dipswi dimwedo di nga wa hahatshi.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

1 Vakorinto 16:13

Wonelelani, mi zumba mi di tsani mu ka likholo, mi hanyisa txiwamna, mi va ni mtamo.

Vahebheru 9:27

Se ngako vathu va nga sikelwa ti to ve fa kumweko dwe, ngu msana ku txi londeta kulamulwa;

Dhewuteronome 31:23

Se Mkoma a to gela Joxuwa, mwana Nune, a txi khene: “Tsana, uva ni mtamo; nguko ngawe u no hokisa vanana va ka Israyeli, ka ditiko dile ni nga va xambanyela, ani ni na va ni nawe!”

2 Timoti 2:1

Ngu toneto, awe, mwanangu, tsana ka tikateko ti ti ku ka Kristu Jesu.

1 Timoti 4:12

Ku nga ve ni m'thu wo dhelela wuzambi wako, aniko, kuhambana nito, kulaveka u va txikombiso masoni ka makholwa, amu ka kutxhumayela dipswi, amu ka mahanyelo, amu ka lirando, amu ka likholo, amu ka kubasa mbilu.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Masalmo 89:48

Ina waho m'thu wo mbi fa kani? I mani a no sikota kuhuluka ka mtamo wa lifo kani?

Jobe 30:23

Nguko ani na tiziva taku u na ni yisa kufani, ni nyumbani mu kuverelako votshe vo hanya.

Jobe 16:22

Nguko ngu kupinda ka malembe amadotho, ani ni na londisa nzila yi ni no mbi tshumela ni wuya ngu yona.

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

1 Vafumeli 3:7

Konkuwa koko, awe Mkoma, Txizimu txangu, u fumisile txithumi txako ka wukhalo wa Dhavhidha, tate wangu, se ni ngadi mfana wam'dotho, kha ni kuzivi kuhuma ni kuwulela.

2 Samuwele 10:12

Ngu toneto, koko, tsana, a hi tsaneni hi lwela vathu ni madhoropa a Txizimu txathu; sekoko Mkoma a na mahe ti ti wonekako i di ta tinene masoni kwakwe.

2 Samuwele 12:23

Kambe konkuwa a nga fa, ni nga ti tonela txani kambe sakudya kani? Ina ani ni nga sikota ku m'wuyisa kambe kani? Ani ni na tsula kwakwe, kambe ene kha na mbi wuya kwangu.

1 Makronika 22:13

Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

1 Makronika 22:16

Ka nzalama, ni silivhela, ni koporo, ni txikete, kha si na mtengo; khukha koko, u maha mthumo, se Mkoma a nave ni nawe.

1 Makronika 28:10

Wona koko konkuwa, Mkoma a kusawute kuva u aka nyumba yo sawuleka; tsana u maha mthumo.