1 Vafumeli 2:15 - Bhiblia Yo Sawuleka

¹⁵ Msana keto, a to khene: “Wa tiziva kha kwati taku wukoma mbwangu. Ni votshe Vaisrayeli va txi verela ani, kuva ni txi na fuma, hambiko wukoma wu nga thaviswa wu txi ningwa mwanathu, nguko wu mahilwe wakwe ngu Mkoma.”

1 Vafumeli 2:15 Referans Kwoze

1 Vafumeli 1:25

Nguko nyamsi a relete, a date tihomu ta mikati, ni marole o nona, ni tinvuta tatingi, a rambile votshe vanana va mfumeli, ni vathangeli va yimbi, ni Abhiyatari, mphaxeli ndivale vadya ni kusela masoni kwakwe: Na va txi kha vona: “Hanya mfumeli Adhoniya!”

1 Vafumeli 1:5

Sekoko, Adhoniya, mwana Hagiti, a to tikulisa, a txi khene: “Ani ni na fuma!” A to longisela txikotxikani, ni vagadhi va mahantxhi, ni mtxhanu wa magumi a vavamna, ava va nga ti tutuma-tutuma masoni kwakwe.

Dhaniyeli 2:22

Txi wonekisa timhaka totshe ti ti ku kusisalani, txi ziva totshe ti ku txidemani, ni liwoningo li zumba ni Txizimu.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

2 Samuwele 16:18

Se Husayi a to khene ka Abhisalome: Ahim-him, ani ni wa wule a nga sawulwa ngu Mkoma ni votshe vathu vava, ni votshe va ka Israyeli, ni na zumba nayo.

2 Samuwele 7:12

Mbimo yi masiku ako ma no guma, se wuta otela ka vatate vako, sekoko msana kwako ni na wusa mwanana wako, awu a no huma ngu kwako, kambe ni na tsanisa mfumo wakwe.

2 Samuwele 15:13

Sekoko kutota mtumi ka Dhavhidha, a txi ta khene: Timbilu ta vathu va ka Israyeli ti londetela Abhisalome.

2 Samuwele 15:6

Se Abhisalome a ti ti maha toneto ka votshe va ka Israyeli vale va tako ka mfumeli ku ta lamulwa; ngu kumaha keto, Abhisalome a ti ti ndinda timbilu ta vathu va ka Israyeli.

2 Samuwele 12:24

Sekoko Dhavhidha a to thavelela msikati wakwe Bhate-Sebha, e wulela nyumbani kwakwe, e otela nayo; aniko ene a to veleka mwanana wa mfana, e mraya ditina daku i Solomoni; Mkoma a to randa Solomoni.

2 Samuwele 3:3

se wa wumbidi i Kileyabhe, wo velekwa ngu Abhigayeli, msikati wa Nabhali, mukarmeli; wa wuraru i Abhisalome mwana Mahaka, mwana Talimayi, mfumeli wa Gesuri;

2 Samuwele 3:4

wa wumune i Adhoniya, mwana Hagite, wa wutxhanu i Sefatiya, mwana Abhitali;

1 Vafumeli 1:38

Sekoko Zadhoki, mphaxeli, a to relela, ni Nathani, mprofeti, ni Bhenaya, mwana Joyadha, ni Vakereti, ni Vapeleti, va to gadhisa Solomoni ha ka dimula da mfumeli Dhavhidha, ve m'heleketa Giyoni.

1 Vafumeli 2:14

Se a nje khene: Ni dingana kuwomba dipswi. Se a nje khene: “Womba.”

1 Vafumeli 2:16

Akuwa koko ni ku mahelako txikombelo txiya txa tximwetxo, u nga ni lambele. Ene a nje khene, “womba.”

1 Vafumeli 2:22

Sekoko mfumeli Solomoni a to xamula, a txi khene ka mwamwakwe: “Se ngu kutxani u kombela taku Abhixagi a txi ningwa Adhoniya mxunami kani? Mkombelele ni wona wukoma (nguko mkomwangu), madingano akwe, u na kombelela ni mphaxeli Abhiyatari, hambi ni Jowabhi, mwanna Zeriya.”

1 Vafumeli 1:39

Se Zadhoki, mphaxeli, a to teka tximole txa mafura a dibhokiso da txitumelelano, e tota Solomoni, va to veta mpundu, se votshe vathu va to womba va txi kha vona: “A na hanya mfumeli Solomoni!”