1 Vafumeli 2:12 - Bhiblia Yo Sawuleka

¹² Se Solomoni a to khalahatsha ha txikhaloni ka wukoma wa Dhavhidha, tate wakwe, wukoma wakwe wu to tsana ngutu.

1 Vafumeli 2:12 Referans Kwoze

2 Makronika 1:1

Se Solomoni, mwana Dhavhidha, a to tsana amu ka mfumo wakwe; aniko Mkoma, Txizimu txakwe, a ti ni nene, atxi mkulisa ngutu.

Masalmo 132:12

Ngako vanana vako va txi xayisa txitumelelano txangu ni sileleto sangu si ni no va gondisa, vanana vawe ni vona, va na khalahatsha ha txikhaloni kwako ka wukoma, kala kupinduka.”

1 Vafumeli 1:46

Kambe Solomoni a khalahatshile txikhaloni ka wukoma.

2 Samuwele 7:29

Konkuwa koko, katekisa nyumba ya txithumi txako, kasi ku yi na zumba kala kupinduka masoni kwako, nguko awe Mkoma Txizimu, u wombile; se ngu txikatekiso txako, nyumba ya txithumi txako yi na kateka kala kupinduka.

1 Vafumeli 2:46

Se mfumeli a to ruma ti to Bhenaya, mwana Joyadha, a txi mkoyola, efa, wu txi tsanisiswa eto mfumo, manzani ka Solomoni.

1 Makronika 23:1

Mbimo yi koko, Dhavhidha a nga kumba, a di ni masiku o tala, a to veka Solomoni, mwanakwe, kuva mfumeli txitimwi ka va ka Israyeli.

1 Vafumeli 1:13

Tsula, u txi ya wulela ka mfumeli Dhavhidha, u txi ya khawe: “Ina hi ngawe mfumeli, nyamne wangu, u nga xambanya ka txithumi txako txa txisikati, u txi khawe: Ngu ditshuri mwanana wako Solomoni a na fuma msana kwangu, a na khalahatsha ka txikhalo txangu txa wukoma. Se a fumisa kutxani koko, Adhoniya kani?”

1 Vafumeli 1:30

nga ku ni nga ku xambanyisa ngu Mkoma, Txizimu txa ka Israyeli, ni txi khani: Ngu ditshuri mwanana wako Solomoni a na fuma, msana kwangu, kambe a na khalahatsha ha txikhaloni ka wukoma, wukhaloni kwangu, nguko ni na ti maha ka ditshiku da nyamsi.

1 Vafumeli 1:35

Se mi na kwelela ngu msana kwakwe, a nata e ta khalahatsha txikhaloni kwangu, se ene a na fuma wukhaloni kwangu; nguko ni layete ti to ene eva mthangeli wa Israyeli ni Judha.