1 Vafumeli 2:1 - Bhiblia Yo Sawuleka

¹ Se ma to hoka masiku a kufa ka mfumeli Dhavhidha; a to ninga txileleto ka mwanana wakwe Solomoni, a txi khene:

1 Vafumeli 2:1 Referans Kwoze

Genesisi 47:29

Mbimo yi Israyeli a nga ti hafuhi ni kufa, a to dhana Josefa mwanakwe, e m'gela tiya: Ngako u txi ni dhunda ngu ditshuri, veka dianza dako hahatshi ka dithumbi dangu, u txi ni thembisa ngu lirando ni wunene ti to u si ni tshotshi ditikoni muwa ka Egipta!

Dhewuteronome 31:14

Se Mkoma a to khene ka Mosi: “Masiku ako a kufa ma hafuhi; dhana Joxuwa, u txi ta nayo amu ditendani da msengeletano, kasi ku ani ni mi ninga sileleto sangu.” Sekoko Mosi ni Joxuwa, va to tsula ditendani ka msengeletano.

2 Timoti 4:6

Nguko ani se ni hafuhi ni kuningelwa nga mhamba ya kubhawa; txikhati txa kurura kwangu txi hokile.

2 Timoti 4:1

Na ku xambanyisa masoni ka Txizimu ni ka Jesu Kristu, awu a nota lamula vohanya ni vofa ngu kutiwonekisa kwakwe ni mfumo wakwe:

1 Timoti 6:13

Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

1 Timoti 1:18

Ayi ngu yona gondo yi ni ku vekelako manzani kwako, mwanangu Timoti, madingano ni siprofeto si si nga wombwa ngu kale, na si txi komba awe; lwana yimbi ya yinene, u txi tsaniswa ngu sona siprofeto sile;

Dhewuteronome 31:23

Se Mkoma a to gela Joxuwa, mwana Nune, a txi khene: “Tsana, uva ni mtamo; nguko ngawe u no hokisa vanana va ka Israyeli, ka ditiko dile ni nga va xambanyela, ani ni na va ni nawe!”

Dhewuteronome 3:28

Rumela koko ka Joxuwa, mithetho yako, u mtsanisa msana, ni ku mninga mtamo, nguko ngene a no thangela masoni ka vathu vava e va wuleta ka ditiko dile u di wonako, di va thomba yawe.”

Mitengo 27:19

Se u na mkombisa masoni ka Eleyazari, mphaxeli, ni masoni ka wotshe msengeletano, u niga mlayo masoni kwawe.

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

2 Samuwele 7:12

Mbimo yi masiku ako ma no guma, se wuta otela ka vatate vako, sekoko msana kwako ni na wusa mwanana wako, awu a no huma ngu kwako, kambe ni na tsanisa mfumo wakwe.

1 Vafumeli 1:53

Se mfumeli Solomoni, a to ruma ti to e txikiswa ngu ha txiluveloni; se a to ta nama masoni ka mfumeli Solomoni, se Solomoni a to khene: “Tsula m'tini kwako.”

1 Makronika 22:6

Sekoko a to dhana Solomoni, mwanakwe, e ta mleleta taku a txi aka Nyumba ya Mkoma, Txizimu txa Israyeli.