1 Vafumeli 19:3 - Bhiblia Yo Sawuleka

³ Mbimo yile a nga muwona a to khukha e tutuma, kasi kuhulukisa wutomi wakwe, eta Bherisebha ka Judha, e ta siya kona mfana wakwe.

1 Vafumeli 19:3 Referans Kwoze

Genesisi 21:31

Ngu mhaka yeto wukhalo wule va to wu dhana ku i Bherisebha, nguko va xambanyile koneho ngu wumbidi wawe.

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

2 Vakorinto 12:7

Ni woni siwoniso so xamalisa ngutu; se kasiku ni si ti dhumisi, ni vekilwe m'pa ha mmidini kwangu, i ku txirumwa txa Sathani, atxi txi ni peketelako, kufela ku ni si ti guleti.

1 Vafumeli 4:25

Se Judha ni Israyeli va ti zumba va di tsani, mmweyo ni mmweyo hahatshi ka mvhina wakwe ni mkuwu wakwe, kukhukhela Dhani kala Bhersebha, ka otshe masiku a Solomoni.

1 Samuwele 27:1

Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

Eksodha 2:15

Faro a di engisile mhakeyo, a to ruma ti to Mosi a txi ñolwa kasi ku e m'daya. Aniko Mosi a to thava masoni ka Faro, e tsula ditikoni ka Midhiyani, amu a nga ya zumba hafuhi ni txisima.

Genesisi 21:14

Sekoko Abrahamu a to wuka ni mixo, e teka sakudya ni txibhembe txa mati e rweka Hagari, se a to m'belekisa mwanana, ngu msana a to mu humisa. Hagari a to huma e pepeseka mu txiwulani ka Bherisebha.

1 Samuwele 8:2

Se ditina da mwanana wakwe wa matiwula i ti ti Joyeli, kambe ditina da wa wumbidi i ti ti Abhiya; i ti valamuli kona Bherisebha.

Jeremiya 20:9

Sekoko ani ni ti khani: Kha ni na mbi mu alakanya, hambi kuwombawomba ngu ditina dakwe; aniko eto mbiluni kwangu ti to nga mndilo wo tura, na wu di tsivetwe marambuni kwangu; kambe ni rerekile ngu kuxaniseka se kha ni sikoti.