1 Vafumeli 19:21 - Bhiblia Yo Sawuleka

²¹ Elixa koko a to wuya ngu msana kwakwe, e ta teka mpatwa wa tihomu e daya, se a to bhika nyama ngu dikange, e ninga vathu va txi dya. Sekoko Elixa a to khukha e londeta Elija, kuya m'vhuna mithumo.

1 Vafumeli 19:21 Referans Kwoze

2 Samuwele 24:22

Sekoko Arawuna a to khene ka Dhavhidha: Teka u ningela awe mfumeli, nyamne wangu, nga ti u ti wonisako tona; ndite tihomu ta mphaxo wo hiswa, ni makange a tona, ni tindonga to hula ngu tona kasi kumaha tikhuni.

Eksodha 24:13

Se Mosi a to khukha ni Joxuwa txithumi txakwe; se Mosi e kwela mmangoni ka Txizimu.

Filimoni 1:13

Ani ni ti navela ku m'zumbisa kheno ni nani, a txi kutsiveta ka mthumo wa ku ni vhunetela, ku khotelwani muwa ni ku kona, ngu mhaka ya Evhangeli.

2 Timoti 4:11

Luka ngene ekha a ku ni nani. Ngono ni Marku nguko wa ni vhuna ngutu mthumoni.

Mithumo 13:5

Ngako va di hokile Salamina, va to ya txhumayela dipswi da Txizimu masinagogani ka Vajudha. Va ti ni Johani, m'vhuneteli wawe.

2 Vafumeli 3:11

Se Josafati a to khene: Ina ahawa kha ngu nga ni mprofeti wokari wa Mkoma, kuva hi txi na wotisa ngu kwakwe ka Mkoma kani? Mmweyo wa vaprofeti va mfumeli a to xamula ku khene: Ndiyo Elixa mwana Safati, i nga txi thuma kumweko ni Elija.

2 Vafumeli 2:3

Sekoko vanana va vaprofeti va nga txi maneka Bheteli, va to huma veya ka Elixa va txi ya kha vona: Wa tiziva to nyamsi Mkoma a teka mthangeli wako ngu txitimwi ka msungo wako kani? Elixa a to khene hambi ani na tiziva kha kwati eto; anu malalani.

1 Vafumeli 18:43

Se a to khene ka mfana wakwe: Kwela konkuwa u wonetela likasani ka linene. Se a to kwelela e wonisisa, a nje khene: Kha ku nga ni txilo. Se ene a to khene: Engeta kambe mtxhanu ni kumbidi.

1 Samuwele 6:14

Se txikotxikani txi toya thembweni ka Joxuwa, wa Bheti-Semi, se txiya ema kona hale; koneho ku ti ni dirigwi da hombe; va to bhandisela mapulango a txikotxikani, ve ningela tihomu ta mikati u va mphaxo wo hiswa ka Mkoma.