1 Vafumeli 19:2 - Bhiblia Yo Sawuleka

² Sekoko Jezabheli a to ruma mtumi ka Elija, kuya khene: Si na ni tsayise ngutu sizimu ngako kala ka mbimo yo nga yona yiya, ni si ku dayi nga ti u nga va dayisa tona.

1 Vafumeli 19:2 Referans Kwoze

2 Vafumeli 6:31

Se mfumeli a to peka huwa na a txi khene: Txizimu txi na ni daye, ngako di txiza diswa ni si se wila msungo wa Elixa, mwana Sefate!

1 Vafumeli 20:10

Se Bheni-Hadhadhe a to va rumela kwakwe, kuya womba tiya: Si na mahe kuranda ngu ngani sizimu, ati to lithulu la votshe vathu va Samariya, kha li na mbi tata manza a vathu vale va ni londisako.

Rute 1:17

Ni hayi u no fela kona, ni na fela konaho nani, kambe ni na tshotshwa konaho; Mkoma a na ni rumele txitsayiso, ngako ni txi tumela kuhambaniswa ni nawe, ngako ni txi hambana ni nawe ngu yimwani mhaka, na i si nga ngu lifo.

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Mavingu 27:1

U nga ti thembisele ngu ditshiku da mangwana, nguko khu ti zivi ati di no kuninga ditshiku da mangwana.

Eksodha 10:28

Se Faro a wombile ka Mosi a txi khene: “Khukha hafuhi kwangu, aniko u nga swe u txi woneka kambe masoni kwangu, nguko ditshiku di u nota woneka khoheni kwangu, u na fa.”

1 Vafumeli 2:28

Nduma ya kona yi to hoka ka Jowabhi (nguko Jowabhi a ti ti pengile e londeta Adhoniya, hambiko a nga sa londeta Absalome), se Jowabhi a to tutumela ditendani ka Mkoma, eya ñola ngu titshoka ta txiluvelo.

2 Vafumeli 19:22

U phikizanile ni mani niku u ruketete mani kani? U kwangulete mani ni kuguleta maso txiluveloni kani? U mahete ani Msawuleki wa Israyeli kani?

Eksodha 15:9

Mlala a ti ti khene: “Ni na va londeta, ni na va mana, ni na va honyolela simaha sawe; ni txi va tekela sotshe si ni si lavako; wu na khura ngu sona moya wangu, ni na swomola ditxhari dangu, ni va fuvisa ngu dianza dangu!”

2 Samuwele 3:9

Ngu kumaha keto Txizimu txi na mahe ka Abhineri ni ka vamwani, nga tile Mkoma a nga xambanya ka Dhavhidha, ni na mmahisa toneto,

2 Samuwele 19:13

Se ka Amasa, mi na khanu: Ina hi ngawe dirambu dangu ni nyama yangu kani? Txizimu txi na ni mahele ni tihi, ngako u si mahi mthangeli wa wugovelo masoni kwangu yotshe mbimo, ka wukhalo wa Jowabhi.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Jeremiya 26:21

Ene mfumeli Jehoyakimu, ni tindena takwe totshe, ni totshe tinduna, ngako va di pfite timhaka takwe, mfumeli a to xota ku m'daya. Aha a nga tipfa Uriya, a to thava, e pfodola eya Egipta.

1 Vafumeli 2:23

Se mfumeli Solomoni a to xambanya ngu Mkoma, a txi khene: “Txi na ni mahe toneto Txizimu, ni kupinda, ngako Adhoniya a sa womba toneto ngu wutomi wakwe.