1 Vafumeli 19:16 - Bhiblia Yo Sawuleka

¹⁶ Kambe u na tota Jehu, mwana Ninisi, kuva mfumeli wa Israyeli, ni Elixa, mwana Safati, wa Abheli-Meyola, u na mtota kuva mprofeti, ka wukhalo wako.

1 Vafumeli 19:16 Referans Kwoze

2 Vafumeli 2:15

Mbimo yile va nga mu wona vanana va vaprofeti, na va di rendekelani ni Jeriko, va to kha vona: Moya wa Elija wu khandamile ka Elixa. Se va to mu hingeta ve ta mu khizamela.

2 Vafumeli 2:9

Sekoko mbimo yile va ngadi txhatukile, Elija a to khene ka Elixa: Ni kombele ati u ti lavako ku ni txi ku mahela, ni sanzi kuthaviswa hafuhi kwako. Elixa a to khene: Ni kombela moya wako txitimwi kwangu, na wu di wuyeletilwe kambidi.

Luka 4:27

Va ti ti ho kambe vathu va tshekela ditikoni ka Israyeli, mbimo ya mprofeti Elixa, aniko kha basiswa ni wammweyo kwawe, hahanze ka Nahanani wa Msiriya.”

1 Vafumeli 4:12

Bhahana, mwana wa Ayiludhi, a ti ni Tahanake, ni Megidhu, ni dotshe da Bheti-Seyani, ku ku hafuhi ni Zaritana, hahatshi ka Jezreyele, kukhukhela Bheti-Seyani kala Abhele-Meyola, kala kambe magwito ka Jokimeyami;

Valamuli 7:22

Ngako avale va 300 va nga ti veta mipundu, Mkoma a to maha a tito, wugoveloni kotshe ka Vamidhiyani mmwani ni mmwani va txi bhayana ngu matxhari ni mkwawe. Votshe vathu va yimbi va to thava kala Bheti-Sita, hafuhi ni Zerera, kala m'hinganoni ka Abhele-Mawola, masoni ka Tabhati.

1 Samuwele 18:19

Ku to maheka taku, mbimo yi Merabhe, mwanana wa Sawule, a nga ti dingana kuningelwa ka Dhavhidha, a to ya ningelwa ka Adriyeli, wa Meyolati.

2 Samuwele 21:8

Sekoko mfumeli a to teka vanana vambidi va Risipa, mwana Ayiya, vale a nga veleka ni Sawule, i ku Arimoni ni Mefibhosete, e teka kambe mtxhanu wa vanana va mwanawe wa Mikali, mwana Sawule, awule a nga veleka ni Adriyeli, mwana Bharizilayi, mmeyolati.

1 Vafumeli 1:34

Se Zadhoki, mphaxeli, ni Nathani, mprofeti, va to mtota kuva mfumeli wa Israyeli; mi na veta mpundu mi nje khanu: “Hanya mfumeli Solomoni!”

2 Vafumeli 2:1

Ku to maheka taku mbimo yile Mkoma a nga lava kugula Elija ngu txivhunguvhungwani eya nzumani, Elija a to khukha Giligali kumweko ni Elizewu.