1 Vafumeli 19:13 - Bhiblia Yo Sawuleka

¹³ Se mbimo yile Elija a nga dipfa, a to fenengeta khohe yakwe ngu dijasi dakwe e huma hahanze, a to ema ha txikeni ka diphala; se kutota dipswi kwakwe, di nga ti kha dona: Wo maha txani ahawa kani Elija?

1 Vafumeli 19:13 Referans Kwoze

1 Vafumeli 19:9

Se koneyo a to wulela amu ka diphala e otela kona wusikuwo; se dipswi da Mkoma di tile kwakwe di txi ta kha dona: Wo maha txani ahawa kani Elija?

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

Isaya 6:2

Txitimwi kwakwe ku ti emile maserafima; dimwani ni dimwani di ti ti ni mtxhanu wa tibhapi ni limwelo: Ngu timbidi ma to fenengeta tikhohe ta ona, ngu tibimdi me fenengeta mikondo, se ngu timbidi me puruma ngu tona.

1 Vafumeli 18:42

Se Akabe a to kwelela e yadya ni kusela; se Elija a to kwela tshokani ka mmango wa Karmeli, a to ya nama hahatshi e sisa khohe yakwe amu ka mazolo.

Eksodha 33:23

Ni na thavisa dianza dangu, se u na wona msana wangu, kambe khohe yangu kha yi na mbi woneka.”

Genesisi 16:8

ngelozi yi to womba ka Hagari, yi txi kha yona: “Hagari, txithumi txa Sarayi, u ta ngu hani, na u txi ya hani kani?” Ene a xamute, a txi khene: “No thava masoni ka nyamne wangu Sarayi.”

Vahebheru 11:37

Va fayetetwe ngu marigwi, ve sahwa ngu masaho. Va datwe ngu kubhayetelwa ngu matxhari, va pengisilwe va di ambate madhowo a tinvuta ni a tiphongo, ve xaniswa ni kutsotsorolwa, ve khotelwa mikorani.

2 Vafumeli 2:8

Sekoko Elija a to peta dijasi dakwe, e peka mati, me abaneka ngu madhawa mambidi, va to txhatuka ngu wumbidi wawe, ku ti omile.

Jona 4:5

Sekoko, Jona a to huma didhoropani, eya zumba wutxani ka didhoropa, se koneho a to aka m'dhuti, e zumba ha mtsudini ka wona, kasiku e wona ati ti no humelela didhoropani.