1 Vafumeli 18:44 - Bhiblia Yo Sawuleka

⁴⁴ Se ku to maheka tito, a di engetile ka wutxhanu ni kumbidi, a to khene: Hi nga wona direfu dile da didotho do dingana ni dianza da m'thu, di humako ngu lineneni. Se ene a to khene: Kwela u txi ya khawe ka Akabe: Lulamisela txikotxikani txako, u kwitima kuva u si mani kunelwa ngu mati.

1 Vafumeli 18:44 Referans Kwoze

Luka 12:54

Se a to gela dibutho ku khene: “Ditshiku di mi wonako direfu di txi huma ngu wulenge, mi kuluveta mi txi khanu: ‘Nzuma yi nana’, se ti txi mahisa toneto.

Jobe 8:7

Makhato ako ngu ditshuri ma nave madotho, aniko zumbelo yako yo gwitisa yi na anda kala titshokani.

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Mika 1:13

Sunga sihari sa sidotho aha ka txikotxikani, awe u zumbako Lakisi (aawa ngu ona makhato a txionho txa mwanana wa dihorana wa Siyoni), nguko kuta ngu kwako, kuhambunyeta ka Israyeli.

1 Samuwele 6:10

Se vavamna vale va to maha toneto, ve teka tihomu timbidi ta mikati ti nga txi mamisa, ve ti sungelela ka txikotxikani, kambe marole a tona ve ma sekela txibalani.

1 Samuwele 6:7

Konkuwa koko, mahani txikotxikani txa txiphya, mi teka tihomu timbidi ta mikati ti mamisako, a ti ti sanzi ku sanzekwa dikange, mi sungelela tihomu ta mikati aha ka txikotxikani, se mi siya marole a tona m'tini.

1 Vafumeli 18:43

Se a to khene ka mfana wakwe: Kwela konkuwa u wonetela likasani ka linene. Se a to kwelela e wonisisa, a nje khene: Kha ku nga ni txilo. Se ene a to khene: Engeta kambe mtxhanu ni kumbidi.