1 Vafumeli 18:43 - Bhiblia Yo Sawuleka

⁴³ Se a to khene ka mfana wakwe: Kwela konkuwa u wonetela likasani ka linene. Se a to kwelela e wonisisa, a nje khene: Kha ku nga ni txilo. Se ene a to khene: Engeta kambe mtxhanu ni kumbidi.

1 Vafumeli 18:43 Referans Kwoze

Habhakuki 2:3

Nguko txiwoniso njo dingana mbimo yokari, se kala magwito txi na womba-womba, kha txi na mbi hemba; ngako txiwoniso txi txi swela, txi verele, nguko kha ditshuri txi nata, kha txi na mbi swela.

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Luka 18:1

Jesu a engetile a txi mahela vagondiswa vakwe txifananiso, kasi kuwomba ti to ka laveka kukhongela yotshe mbimo, va si rereki:

Masalmo 5:3

Ni mixo, Mkoma, engisa dipswi dangu, neti di txi txa ditambo ni veka masoni kwako txikombelo txangu ni txi rinzela xamulo yako.

Genesisi 32:26

Ene a wombile, a txi khene: “Ni leke ni txi tsula, nguko wuronga wu gwimbile.” Aniko Jakobe a mxamute, a txi khene: “Ani kha ni na mbi kuleka ngako u si ni katekisi.”

1 Vafumeli 18:42

Se Akabe a to kwelela e yadya ni kusela; se Elija a to kwela tshokani ka mmango wa Karmeli, a to ya nama hahatshi e sisa khohe yakwe amu ka mazolo.

1 Vafumeli 18:44

Se ku to maheka tito, a di engetile ka wutxhanu ni kumbidi, a to khene: Hi nga wona direfu dile da didotho do dingana ni dianza da m'thu, di humako ngu lineneni. Se ene a to khene: Kwela u txi ya khawe ka Akabe: Lulamisela txikotxikani txako, u kwitima kuva u si mani kunelwa ngu mati.

Joxuwa 6:4

Se mtxhanu wa vaphaxeli ni vambidi va na teka mtxhanu wa titshodi ni timbidi, ta titxheho ta tihamba, va txi thangela masoni ka dibhokiso, se ka ditshiku da wutxhanu ni mambidi, mi na tenderuka didhoropa mtxhanu wa sikhati ni simbidi; se vaphaxeli va na veta titshodi.

2 Vafumeli 4:35

Se a to wuya, e ta tsimbila-tsimbila nyumbani mule, eya khe ni khe, e tshumela e kwelela, se a txi engeta e kwela, e ti nawuluta txitimwi kwakwe; sekoko mfana a to hefemula mtxhanu wa makhati ni mambidi, ni kutula maso.