1 Vafumeli 18:41 - Bhiblia Yo Sawuleka

⁴¹ Sekoko Elija a to khene ka Akabe: Kwelela u txi yadya u sela, nguko ka pfala txiwuti txa mati.

1 Vafumeli 18:41 Referans Kwoze

1 Vafumeli 18:1

Se ku to maheka to msana ka masiku amangi, kutile dipswi da Mkoma ka Elija ngu dilembe da wuraru, di txi kha dona: Tsula u txi ya ti kombekisa ka Akabe, nguko ni na nisa mati txitimwi ka mafu.

Ekleziyaste 9:7

Tsula koko, u yadya sakudya sako ngu kutsaka, u sela vhinya yako ngu mbilu ya yinene, nguko Txizimu se txa tsaka ngu mithumo yako.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Mithumo 27:34

Na mi khongotela ti to mi dya sakudya, nguko ngu tona ti ti no mi hanyisa. Kha ku na mbi luzeka hambi i di msisi wumwewo wa ha msungo kwanu.”

1 Vafumeli 8:36

va engise awe koko nzumaniyo, u divalela txionho txa sithumi sako ni txa vathu vako va ka Israyeli, ni ku va gondisa to va na tsimbile ngu nzila ya yinene, nisa mati ka mafu awa u nga ninga vathu vako kuva thomba.

1 Vafumeli 18:40

Se Elija a to khene: Ñolelani votshe vaprofeti va Bhahali, ku nga huluke ni wammweyo wawe. Va to va ñolela; se Elija a to va maha ve kwitima txinambwanani ka Kixoni, va txi ya va daya kona.

1 Vafumeli 18:42

Se Akabe a to kwelela e yadya ni kusela; se Elija a to kwela tshokani ka mmango wa Karmeli, a to ya nama hahatshi e sisa khohe yakwe amu ka mazolo.

Jobe 37:13

kumahela kuva txikhawuliso ka mafu mwendo kuva tikatekiso ka mafu, hambi kuninga kuhanya kakunene.